| de lta bu’i tshigs su bcad pa gñis po ’dis mñel ba la sogs pa bzod spyod pa’i dka’ ba mdzad pa’i rgyu thugs rje chen po bśad nas | rten gaṅ gis mñel ba sku ñams su bstar ba de bśad par bya ste | bśos kyaṅ phal pa gsol mdzad ciṅ | | res (5)’ga’ smyuṅ ba dag kyaṅ mdzad | | ñam pa’i śul du’aṅ gśegs mdzad ciṅ | | rad rod can du’aṅ mnal ba mdzad | | bśos kyaṅ phal ba gsol mdzad ciṅ | | źes bya ba la sogs pa smos pa la | zas ṅan pa ni bśos phal pa’o | | gsol mdzad ni khyod kyis bźes bya bas (6)’chad par ’gyur ro | | dper na groṅ khyer sruṅ byed ces bya bar bram ze’i rgyal po mes byin źes bya bas bcom ldan ’das zla ba gsum mgron du gñer ba la bram ze’i yul nas mi mṅon pa’i gnas su źugs pa daṅ | de la byaṅ phyogs kyi lam nas tshoṅ pa ’oṅ ba de dag las rta chas brñes nas (7)bcom ldan ’das kyis gsol lo źes bya ba ni rtogs pa brjod pa’o | | res ’ga’ smyuṅ ba dag kyaṅ mdzad | | ces bya ba ni dper nas la źes bya ba bram ze’i groṅ gi skye bo rnams bdud kyis zin pa’i phyir bsod sñoms gcig kyaṅ rñed par ma gyur to | | ñam ṅa’i śul du’aṅ gśegs mdzad (164a1)ciṅ | | źes bya ba ni dper na rgyal po’i khab kyi bram ze tshoṅ dpon gyis bcom ldan ’das blta ba’i phyir mñan yod du phyin par gyur to | | bcom ldan ’das kyis kyaṅ rgyud yoṅs su smin pa daṅ ldan par ma gzigs nas rgyal po’i khab tu źabs gśegs so | | tshoṅ dpon yaṅ (2)rgyal po’i khab tu soṅ ṅo | | bcom ldan ’das tsam par gśegs pa nas | de bźin du gnas bcas daṅ | b’a r’a ṇa s’i daṅ yaṅs pa can źes bya ba’i groṅ khyer chen po drug tu gśegs so | | de nas mthoṅ ma thag tu tshoṅ dpon gyis bden pa mthoṅ bar gyur to | | rad rod can du’aṅ mnal ba (3)mdzad | | ces bya ba la mnal ba ni khyod ces ’chad par ’gyur ro | | raṅ bźin gyi don la ka ta’i rkyen can no | | ba laṅ gi rjes btod pas na rad rod can no | | ba laṅ gi rmig pas brdzis pa’i ’dam skams pa daṅ rad rod can daṅ ’dra bar gyur te | rad rod can de rnams su mnal ba mdzad (4)do | | ji ltar koo ś’a mb’i’i ’brog pa’i bu mo źig gi groṅ khyer sde bsaṅs su raṅ ’dod pa’i lag can dgon pa pa khyor ’dod pas phas gñen gyi tshogs kyis yoṅs su bskor ba daṅ bcas pa lag can gyi gan du dgon par btaṅ ṅo | | dgoṅs ka’i dus su dgon pa’i sgo bcad pas groṅ khyer gyi (5)phyi rol du gnas so | | lag can gyis groṅ khyer sṅo bsaṅs mthoṅ bas bden pa mthoṅ bar bya ba’i skal ba daṅ mi ldan par mkhyen nas bcom ldan ’das kyaṅ dgon pa daṅ ñe bar gśegs te rad rod can gyi sar rtsa’i mal stan la mnal ba mdzad do | | ba laṅ rdzi ṅag gis kyaṅ lag can (6)dgon pa pa la ’di skad smras te | gaṅ źig rab tu byuṅ bas khyod srin po las grol bar mdzad pa de ñid rad rod can du mnal bar mdzad do źes lag can gyis thos nas groṅ khyer sṅo bsaṅs ma bltas par byas pa gzo ba ñid kyis de bźin gśegs pa’i thad du phyin nas phyag ’tshal te (7)źus pa | yul ’khor gyi naṅ du rluṅ g-yos pa la rad rod can du rtsva’i gdan la bcom ldan ’das mnal ba mdzad dam źes źus so | | bcom ldan ’das kyis bka’ stsal pa | lag can gźan ’jig rten pa kha cig bde ba’i slad du ñal bar byed de | ṅa ni de rnams las gźan pa ste | (164b1)’dod chags daṅ źe sdaṅ daṅ gti mug gi gduṅ ba mi mṅa’ ba’i phyir ro | | ’dod chags la sogs pa’i yoṅs su gduṅ ba daṅ ldan pas ’jam pa’i stan la ñal na yaṅ sdug bsṅal gyis gñid log par byed do źes bya ba’o | | de ltar de la chos bstan pas khyim bdag lag can gyis ji (2)lta ba bźin du bden pa mthoṅ bar gyur to źes bya ba’o |