| gźan yaṅ | bzod pas mi sñan brjod pa daṅ | | ’khu ba dag ni bde legs kyis | | mi sñan smra la bden pas te | | khyod kyis sdaṅ ba byams pas btul | | bzod pas mi sñan brjod pa daṅ | | źes (2)bya ba smos pa la | mi sñan pa brjod pa ni tshig rtsub po daṅ ldan pa ste bzod pas btul ba’o | | ji ltar mi sñan pa brjod pa’i bram ze bha ra dva dzas bcom ldan ’das mñan yod du bsod sñoms la gśegs pa la maṅ du mi sñan pa brjod nas dbul rdul gyis gtor ba la bcom ldan ’das lam phyin par (3)bram ze de ñid kyi mgo la babs par gyur to | | de nas bcom ldan ’das kyis tshigs su bcad pa gsuṅs pa | dag pa daṅ ni skyon rnams med pa daṅ | | sṅar med mi la ñes gaṅ byed pa ni | | phyis de ñid la sdig pa ldog par ’gyur | | ji ltar phra mo’i rdul gtor mgo la bźin | | źes bya (4)ba’o | | ’khu ba dag ni gnod pa byed pa’i bsam pa can la bde legs kyis btul lo | | daṅ gi sgras ni bzod pas kyaṅ ṅo | | ’khu ba dag ces bya ba ni kha cig tshig maṅ por zer ba’o | | legs pa’i sgras don dam pa’i dge ba daṅ mya ṅan las ’das pa ’thad do źes bśad do | | de ñid kyis na (5)’phags pa’i lam mo | | de nas bde legs kyis ni dpal sbas la sogs pa bden pa mthoṅ bas btul ba daṅ bzod pas kyaṅ ṅo | | ’o na sdaṅ ba byams pas btul | | źes ’chad par ’gyur na | sdaṅ ba gaṅ yin pa de ñid ’khu ba ste sdaṅ ba’i don can źes bya ba khams gdon par brjod (6)pa’i phyir zlos pa’i skyon du ’gyur ro źe na | ma yin te | dka’ ba mdzad pa’i bya ba’i rnam pa mdzad pa’i phyir gnas gcig tu bde legs daṅ bzod pa la sogs pas sdaṅ ba btul lo źes bstan pa daṅ | gnas gźan du byams pa la sogs pa dka’ ba mdzad pa’i gnas skabs su ’di ni (7)smra ba mi rigs so | | kha cig na re | khro ba dag ni bde legs kyis | | źes brjod pas na de dag gis zlos pa’i skyon śin tu bsal to | | khro ba ni sor phreṅ can la sogs pa’o | | mi sñan smra la bden pas te | | źes bya ba la | mi sñan pa smra ba gaṅ yin źe na | mdzes ma rab tu byuṅ ba la brten nas (167a1)mu stegs pa mi sñan pa smra ba’o | | de rnams khyod kyis bden pas btul ba daṅ | daṅ gi sgras ni bzod pas kyaṅ ṅo | | byams pas ni phan pa’i thugs kyis so | | sdaṅ ba ni gsod pa la brtson pa ste | bdud kyi bran dar mṅag gźug pa’o | | de rnams kyi mda’ daṅ mduṅ (2)thuṅ bcom ldan ’das la ’phaṅs pa la byams pa la sbyor ba’i phyir me tog gi char du gyur to źes bya ba ni luṅ ṅo | | de lta bas na ’dir byams pa daṅ bde legs daṅ bzed pa’i rnam pa de rnams kyis dka’ ba mdzad pa bśad do |