| gźan yaṅ | khyod kyis dus daṅ bsam mkhyen pas | | res (6)’ga’ źus na’aṅ mi gsuṅ la | | spros gyur gźan la bstan pa daṅ | | druṅ du gśegs nas bśad pa’aṅ mdzad | | res ’ga’ źus na mi gsuṅ la | | źes bya ba ni gźon nu’i bu daṅ rigs mthun pa rab tu byuṅ ba ci goo ta ma bdag yod dam źes bcom ldan ’das la źus śiṅ bcom (7)ldan ’das la źus kyaṅ ma gsuṅs so | | rgyu ci’i phyir źe na | dus daṅ bsam pa mkhyen pas źes bya bas ’chad par ’gyur ro | | de la dus ni gźon nu’i bsam pa yoṅs su smin par ma dgoṅs pas bdag med pa bśad pa’i skal ba daṅ ldan pa ’di ni ma yin no źes (169a1)dgoṅs pas ma gsuṅs so | | druṅ du gśegs nas źes bya ba ni ma źus par yaṅ bśad pa mdzad pa ni chos ston pa’o | | ji ltar ṅan spoṅ gi bu’i rdza mkhan gyi khyim du bźugs pa nas druṅ du gśegs te | dge sloṅ pad+ma’i rjes su ’braṅ ba la thog mar dge ba źes bya ba (2)la sogs pa’i chos bstan to | | de’i tshe pad+ma’i rjes su ’braṅ ba’i bsam pa yoṅs su mkhyen pa des so | | spros gyur źes bya ba ni gduṅ ba bskyed nas so | | gźan pa ni gźan ’dul ba’i phyir ro | | ji ltar ’od sruṅs kyis źus pas gsuṅs pa ni ’on kyaṅ khyod kyi dri ba bsal ba’i (3)dus ni ma yin no źes bya ba’o | | de nas de’i stobs kyis źus śiṅ maṅ du źus pa’i tshe bcom ldan ’das kyis ’od sruṅs de la spro ba bskyed nas dus gźan gyi tshe bsam pa yoṅs su smin par thugs kyis mkhyen nas dris pa de la lan klan par mdzad do | | thos nas dus gźan gyi tshe bden (4)pa mthoṅ bar gyur to źes bya ba ni mdo’i don to | | dus daṅ bsam pa mkhyen pas źes bya ba la | dus daṅ bsam pa ni yoṅs su smin pa ste | de mkhyen pas na dus daṅ bsam pa mkhyen pa’o | | de na dus daṅ bsam pa mkhyen pa khyod kyis so | | de lta bas na ’dir don daṅ ldan pa la ston mkhas (5)pa źes bśad do |