| gźan yaṅ | dri med gos la tshon bźin du | | thog mar sbyin sogs gtam dag gis | | sems la spro ba bskyed nas ni | | phyi nas chos ni bstan pa mdzad | | thog mar sbyin sogs gtam dag gis | | źes bya ba’i tshigs su bcad pa la | thog mar źes bya ba ni daṅ (6)por ro | | sbyin sogs gtam dag gis źes bya ba la | sogs kyi sgras ni tshul khrims kyi gtam la sogs pa śes par bya’o | | sems la spro ba ni sems las su ruṅ ba ñid de | ’phags pa’i bden pa’i gtam gyis don yoṅs su śes pa’i nus pa daṅ ldan pa źes bya ba’i tha tshig go | | (7)dus ni dus phyi ma’o | | chos ni ’phags pa’i lam źes dgoṅs pa’o | | dri ma med pa gaṅ la yod pa de ni dri med gos te de la’o | | chos gaṅ yin pa de ni tshon no | | bźin du ni dper ro | | ji ltar tshon gyi las la mkhas pas thal ba la sogs pas dri ma dag par gyur pa’i gos la tshon gyis (169b1)btsos pa de bźin du | khyod kyis sbyin pa’i gtam la sogs pas sems la spros pa bskyed ciṅ go rims kyi gtam la mkhas pas chos bstan pa mdzad do źes bya ba ni ma lus pa’i don to | | de bźin du mdo las | gaṅ de saṅs rgyas bcom ldan ’das kyis thog ma’i dus su chos kyi (2)gtam mdzad de | dper na sbyin pa’i gtam daṅ | tshul khrims kyi gtam daṅ | mtho ris kyi gtam gyi bar du’o | | dper na gos dag pa dri ma med pa la tshon gyis btsos na yaṅ dag par tshon len par gyur pa de bźin du | gnas ’jog daṅ ris mthun pa’i bram ze mo stan de la gnas nas (3)’phags pa’i bden pa bźi dṅos su byas so źes bya ba ste | dper na sdug bsṅal ba daṅ | kun ’byuṅ daṅ | ’gog pa daṅ | lam źes bya ba’o | | de lta bas na ’dir rim pas ston pa la mkhas par bśad do |