| thams cad kyi rtsol ba mdzad ces pa ji ltar śes śe na | smras pa gaṅ gi phyir | sku yi cha lugs rnam maṅ daṅ | gsuṅ gis so so’i skad bźin du | | ’dul ba’i bsam pa tha dad pa | | de daṅ der ni khyod kyis mdzad | | sku’i cha lugs rnam maṅ źes smos (2)pa la rnam maṅ źes bya ba ni rab tu maṅ po’o | | sku’i cha lugs rnams ni dbye ba du ma’o | | gsuṅ ni gsuṅ gis so | | mdzad ces bya ba ni ’chad par ’gyur ba ste gsuṅs pa źes bya ba’i don to | | cha lugs rnams ni gźan pa’i cha lugs de mdzad pa źes bya ba daṅ sbyar źiṅ mdzad pa (3)źes bya ba’i don to | | ’dul ba’i bsam pa ni dgoṅs pa’o | | de tha dad pa ni ’dod chags daṅ źe sdaṅ la sogs pa’o | | der ni ’dul ba’i bsam pa tha dad pa’i rgyu yis so | | de la mñan yod kyi groṅ khyer du re źig khyod kyi gsuṅ rnam pa maṅ ba ste dper na dab phe dab phe źes bya ba (4)’jig rten skyoṅ ba’i bsam pa tha dad pa daṅ | de las gźan pa rnams la ’phags pa’i gsuṅ gis so | | cha lugs rnams kyaṅ maṅ du mdzad pa ste | ji ltar dri ba śin tu sñan pa’i ṅa rgyal bsam pa can du mkhyen pas rol mo mkhan gyi cha lugs daṅ | ji ltar gźan pa rdza mkhan (5)kha cig gis rdza sa’i rdza ma ’khor lo las phab ma thag tu skams par gyur pa de’i phyir ṅa daṅ ’dra ba rdza mkhan gyi bzo’i slob dpon med do źes ṅa rgyal skyes pa de’i bsam pa bcom ldan ’das kyis mkhyen pas rdza mkhan gyi cha lugs su sprul nas ’khor lo kho na las so btaṅ ba (6)dbaṅ ba mdzad do | | slar yaṅ saṅs rgyas kyi cha lugs su mdzad nas ṅa rgyal daṅ bral ba de ’dul bar mdzad do źes bya ba’o |