| tha mal pa’i skad daṅ cha lugs gźan pa de rnams kha cig smod pa ma yin nam źe na | smras pa | de dag kun kyaṅ dag pa daṅ | mi ’gal ba (7)daṅ mchod ’os daṅ | brjid daṅ lha mi rnams la ni | | sman ’dogs bkur ba śa stag lags | | dag pa mi ’gal ba źes bya ba la sogs pa ni mi dge ba’i rtsa ba skyed par byed pa mi mṅa’ ba’i phyir na dag pa’o | | gźan la phan pa la sbyor ba’i phyir mi ’gal ba’o | | gźan (170b1)la sman ’dogs pa’i phyir mchod ’os te | rab tu bsṅags par ’os pa źes bya ba’i don to | | ma rig pa’i rab rib gdon pa la g-yer ba’i phyir na brjid pa daṅ ldan pa’o | | kun źes bya ba ni sku’i cha lugs rnam pa maṅ ba daṅ | gsuṅ gi cha lugs rnam pa maṅ ba’o | | lha daṅ mi (2)rnams la sman ’dogs pa ni phan par mdzad pa ste bden pa mthoṅ bar mdzad pa’i phyir ro | śa stag ni lha daṅ mi rnams kyis phyag bya bar ’os pa’o | | da ltar byuṅ ba’i dus źes bya ba ni byed tshig drug pa daṅ sbyar ro |