| de ni bya ba med na yaṅ sems can draṅ ba la (7)mkhas pa bśad par bya ste | bdag ñid dag pa ’ba’ źig gis | | khyod kyis ’gro ba’i dpal źiṅ mdzad | | ’di ltar rnam pa ’di ’dra źiṅ | | ’jig rten gsum na mchis ma lags | | thog med srid pa ñam ṅa bar | | sṅa nas gcig tu ñams pa yi | | sems can kun la (171a1)sman slad du | | khyod ni de ltar brtson pa lags | | bdag ñid dag pa ’ba’ źig gis | | źes bya ba’i tshigs su bcad pa gñis te | bya ba mi mṅa’ ba’i phyir bdag ñid ’ba’ źig ni thugs kyi dag pa ste | ñon moṅs pa bag chags daṅ bcas pa’i dri ma ma lus (2)pa spaṅs pas na bdag ñid dag pa ’ba’ źig ṅes so | | ñid ces bya ba ni ṅes par ’dzin pa la’o | | dpal źiṅ mdzad ces bya ba ni dag byed du mdzad pa ste | mtho ris kyi lam la ’god par mdzad pa’i phyir ro | | ’gro ba’i mtshan ñid ni bśad zin to | | mdzad ces bya ba ni srid pa’i (3)don la liṅ gi rkyen daṅ sbyar ro | | gaṅ las de ltar yin źe na | bśad pa | ’di ltar rnam pa ’di ’dra źes bya ba la sogs pa smos pa la | | ’di ltar ni rnam pa ’di ’dra ste | skyon thams cad mi mṅa’ ba daṅ yon tan thams cad daṅ ldan pa yaṅ sṅar bśad do | | źiṅ ni ’dir mtho ris daṅ (4)thar pa’i ’bras bu thob pa’i gnas so | | ’jig rten gsum dag ni khams gsum dag na’o | | mchis pa ni ma lags pa daṅ sbyar ro | | de’i phyir na bstod pa daṅ phyag ’tshal ba byed pas ’gro ba’i dpal źiṅ du mdzad pa’o |