| de lta bas na re źig khyod la de rnams la lan mi ldon pa de rnams la khyod ji ltar slar sman pa mdzad ce na | | smras pa | khyod ni sems can gñid log (172a1)pa’i | | rgyud la gzigs pa’i źugs tse ba | | bag med gyur pa rnams kyi ni | | grogs bzaṅ bag daṅ bcas pa lags | | khyod ni sems can gñid log pa’i | | źugs tse ba źes bya ba ni rgyas pa’o | | khyod ni bcom ldan ’das so | | ni ni gaṅ gi phyir ro | | (2)źugs tse ba ni mi śes pa’i gñid las saṅs pa ste | gźan la phan pa sgrub par rtsol ba źes bya ba’i don to | | sems can gñid log pa źes bya ba ni ’chad par ’gyur ro | | rmugs pa’i gñid kyis ye śes kyi spyan bkag pa’i phyir sems can rnams gñid log pa’o | | rgyud ni sems (3)can rnams źes bya ba daṅ sbyar ro | | gzigs pa źes bya ba ni so so la gzigs pa’i źugs tse ba’o | | ji lta ba bźin du gsuṅs pa ni ñin lan gsum daṅ mtshan lan gsum du saṅs rgyas kyi spyan gyis gaṅ ’grib pa daṅ | gaṅ ’phel ba daṅ | gaṅ ñon moṅs pa ñam ṅa ba’i gnod pa daṅ (4)ldan pa la bdag gis gaṅ sdug bsṅal ñam ṅa ba’i gnod pa daṅ ldan pa dgol bar bya źes saṅs rgyas kyi spyan gyis ’jig rten la gzigs par mdzad do źes bya ba ni rgyas pa’o | | bag daṅ bcas pa źes bya ba ni dge ba’i rtsa ba yoṅs su smin pa’i dus las ma ’das pa’o | | bag (5)med pa’i sems can rnams źes bya ba ni dge ba la mi gnas pa’o | | rgyu de’i phyir khyod ni grogs bzaṅ bas na grogs te mchog tu sman pa źes bya ba’i tha tshig go |