| de’i phyir na khyod kyi | mtsho chen chab ni bas par ma gyur kyaṅ | | skye bo’i gduṅ ba rab tu źi bgyid ltar | | khyod kyi yon tan cha tsam ma bsgrags kyaṅ | | bdag ni mchog tu glo ba dga’ źiṅ mchis | | khyod kyi yon tan (6)cha tsam źes bya ba la | yon tan rnams kyi cha ni cha ste | de’i sgra tsam gyi rtse mo ste ñuṅ ṅu źes bya ba’i don to | | de ñid bcom ldan ’das khyod kyi ma bsgrags pa ni ma bstod pa ste | yon tan thams cad lta ga las so | | de bźin du yaṅ mchog ni khyad par du’o | | bdag ni (7)bdag gi’o | | dga’ ba ni raṅs pa’o | | glo ba ni glo ba la mchis pa’o | | yon tan gyi cha tsam ma bsgrags pas dga’ bar ji ltar ’gyur źe na źes bya ba’i brgal ba’i lan bśad pa ni byas par ma gyur kyaṅ źes bya ba la sogs pa smos pa la | bas par ma gyur źes bya ba (177b1)ni bas par ma gyur pa’o | | mtsho chen chab ni chab po | | skye bo’i gduṅ ba rab tu źi bgyid ltar ni źi bar ’gyur ba’o | | ltar ni gaṅ gi phyir ro | | de bas na tshad med pa’i yon tan gyi mtsho chen po bcom ldan ’das kyi yon tan gyi cha tsam la bstod pas | bdag ni mchog tu glo ba dga’ (2)źiṅ mchis | | źes pa ste mdor bsdus pa’o |