de la tshigs su bcad pa daṅ pos ni byaṅ chub sems dpa’i rtags lṅa ston to || gñis pas ni de dag gi las daṅ mdor bsdu ba’o || de la brtse ba ni byaṅ chub kyi sems can yoṅs su bzuṅ ba’i phyir ro || sñan par smra ba ni | sems (250b1) can rnams kyis saṅs rgyas kyi bstan pa la mos pa thob par bya ba’i phyir ro || brtan pa ñid ni bya dka’ ba spyod pa la sogs pas mi skyo bar bya ba’i phyir ro || lag brkyaṅ ba ñid daṅ | dgoṅs pa ṅes par ’grel ba ni gñis kyis bsdu ba’i phyir te | zaṅ ziṅ daṅ chos kyis go rims bźin no || (2) rtags lṅa po ’di dag las brtse ba ni bsam pa’i sgo nas rig par bya’o || lhag ma ni sbyor ba’i sgo nas so || khyim pa daṅ rab tu byuṅ ba rnam par dbye ba’i tshigs su bcad pa gsum ste |