de dag la sogs pa byaṅ chub sems dpa’ sems (6) dpa’ chen po tshad med pa | gźal du med pa | graṅs med pa | bsam gyis mi khyab pa | mtshuṅs pa med pa | dpag tu med pa | kun tu mtha’ yas pa | mu med pa | sa mtshams (7) med pa | brjod du med pa’i yaṅ brjod du med pa | byaṅ chub sems dpa’ sems dpa’ chen po rdo rje’i sñiṅ po la sogs pa’i saṅs rgyas kyi źiṅ sna tshogs nas ’dus pa śa (70a1) stag daṅ thabs gcig tu źugs so ||

byaṅ chub sems dpa’ rdo (5) rje’i sñiṅ po la sogs pa saṅs rgyas kyi źiṅ sna tshogs nas ’dus pa daṅ thabs cig tu bźugs te źes bya ba ni gleṅ gźi ste | yul daṅ dus la sogs pa bye brag brjod par bya ba’i phyir ro || chos kyi rnam graṅs ’di mchog yin pas yul mchog yin pa ñid du daṅ por bśad do || yul de ni (6) gnas daṅ | khaṅ pa daṅ | gnas kyi khyad par mchog yin pas mchog go ||
ci’i phyir gzugs kyi khams su ma yin źe na | de’i ’bras bu ’dir mṅon par grub pa’i phyir ro ||
ci’i phyir źag bdun pa daṅ po la ma yin źe na | rten ciṅ ’brel par ’byuṅ bas gnas pas gnas pa’i (7) phyir ro || gźan gyi don du mṅon par rdzogs par saṅs rgyas pa ci’i phyir źag bdun ’das par mdzad ce na | bdag ñid chos kyi kun dgas dgyes pa’i che ba ñid bstan pa’i phyir ro ||
de yaṅ ci’i phyir źe na | de bźin gśegs pa la sems can rnams dga’ ba daṅ | gus pa bskyed par bya (104a1) ba’i phyir te | dgyes pa de lta bu de yaṅ btaṅ nas thugs brtse bas sems can rnams la chos ston to sñam pa’i phyir ro ||
ci’i phyir rten ciṅ ’brel par ’byuṅ ba’i gnas pa ñid kyis gnas śe na | de thugs su chud pa ni thun moṅ ma yin par bstan pa’i phyir ro ||
ci’i (2) phyir chos kyi rnam graṅs ’di byaṅ chub sems dpas bśad ce na | byaṅ chub sems dpa’ rnams spro ba bskyed pa’i phyir ro ||
ci’i phyir rdo rje sñiṅ po kho nas bśad ce na | gaṅ gi phyir dge ba’i rtsa ba rdo rje ltar sra ba daṅ ldan pa’i chos kyi rnam graṅs ’di ñon moṅs pa thams cad kyis mi choms pa daṅ | (3) ’joms par byed pa ñid kyi phyir te | ’di ni mtshan de skad ces bya ba ma yin pas mi ’chad do ||
ci’i phyir rdo rje sñiṅ po źes mtshan de skad gsol źe na | sñiṅ po’i sgra ’di ni sra ba la yaṅ rig par bya ste | dper na śiṅ gi sñiṅ po źes bya ba lta bu’o ||
skye ba’i gnas la yaṅ bya ste | dper na ma’i (4) mṅal źes bya ba lta bu’o ||
de’i phyir sñiṅ po rdo rje daṅ ’dra bas rdo rje’i sñiṅ po ste | de’i dge ba’i rtsa ba rnams gźan gyi dge ba’i rtsa ba thams cad pas stobs daṅ ldan pa’i phyir ro ||
de’i skye ba’i gnas rdo rje lta bu ni skye ba’i rgyu ste | lha daṅ mir ’gro bar ’gyur ba la bya ste | de las gźan pa’i skye ba’i rgyus (5) mi śigs pa’i phyir rdo rje’i sñiṅ po’o ||