’di ltar rigs kyi bu khyod la phyogs bcu’i saṅs rgyas bcom ldan (7) ’das | saṅs rgyas kyi źiṅ bye ba phrag bcu’i rdul śin tu phra ba sñed kun kyaṅ mtshan rdo rje’i sñiṅ po źes bya bar mthun pa śa stag gis | bcom ldan ’das de bźin gśegs (70b1) pa dgra bcom pa yaṅ dag par rdzogs pa’i saṅs rgyas rnam par snaṅ mdzad ’di’i sṅon gyi smon lam gyi byin gyi rlabs daṅ | khyod ñid kyi ye śes kyi khyad par gyis byaṅ chub sems (2) dpa’ thams cad la saṅs rgyas kyi chos snaṅ ba bsam gyis mi khyab pa rab tu brjod ciṅ | ye śes kyi sa la ’jug par bya ba daṅ |

rigs kyi bu yaṅ khyod la phyogs bcu dag gi de bźin gśegs pa saṅs rgyas kyi źiṅ bye ba phrag bcu’i rdul sñed (2) kun kyaṅ mtshan rdo rje’i sñiṅ po źes bya bar mthun pa śa stag gis bcom ldan ’das rnam par snaṅ mdzad ’di ñid kyi sṅon gyi smon lam daṅ | byin gyi rlabs źes bya ba ni | saṅs rgyas maṅ pos byin gyis brlabs par yoṅs su ston te | chos daṅ chos smra ba la gus pa rab tu cher bskyed pa’i (3) phyir ro ||
ci’i phyir rdo rje’i sñiṅ po źes bya ba śa stag kho nas byin gyis brlabs śe na | saṅs rgyas kyi smon lam gyi phyir ro ||
ci’i phyir bcom ldan ’das kyis smon lam de skad btab ce na | saṅs rgyas maṅ po ñid du bstan pa’i phyir ro ||
tiṅ ṅe ’dzin ’di’i chos ñid ni ’di yin te | byaṅ (4) chub sems dpar gyur pa rdo rje’i sñiṅ po źes bya ba gaṅ dag gis chos kyi rnam graṅs ’di bśad pa | de bźin gśegs par gyur pa mtshan de skad ces bya ba de dag ñid kyis byin gyis rlob kyi | gźan dag gis ni ma yin te | de dag gis byaṅ chub sems dpa’ de la raṅ gi mtshan yoṅs su (5) brjod pas de dag daṅ mtshan mthun pa’i phyir dga’ ba’i khyad par du ’gyur ro ||
ci’i phyir ’jig rten gyi khams tshad med pa dag gi pha rol nas źes mi bya źe na | thabs la mkhas pas de maṅ ba ñid du bstan pa’i phyir ro ||
ci’i phyir saṅs rgyas kyi źiṅ bye ba phrag bcur ṅes śe na | sa bcu’i (6) skabs yin pa’ i phyir te | de bas na ’dir bcu pa maṅ du ston to ||
bcom ldan ’das kyis sṅon de dag gi de byin gyis brlab par smon lam btab ciṅ | raṅ gis kyaṅ byin brlabs pa daṅ | gźan dag gis kyaṅ phyis mdzad de | de’i phyir bcom ldan ’das kyi sṅon gyi smon lam daṅ | byin gyi brlab (7) kyis źes bya’o ||
ci’i phyir chos kyi rnam graṅs ’di bśad par byin gyis brlab pa daṅ | ji ltar byin gyis brlab pa brjod par bya ste | de la byaṅ chub sems dpa’ thams cad bya ba’i phyir daṅ | dge ba’i rtsa ba (105a1) thams cad yaṅ dag par bsdu bar byas saṅs rgyas kyi chos bsam gyis mi khyab pa snaṅ ba brjod pas ye śes kyi sa la ’jug pa ba’i phyir daṅ | saṅs rgyas kyi chos thams cad rab tu dbye ba la mkhas par bya ba’i phyir daṅ | chos la ye śes śin tu rgyas par bya ba’i phyir daṅ | legs par gnas pa’i chos bstan par bya ba’i phyir daṅ | ye śes tha mi dad pa rnam par (2) byaṅ bar bya ba’i phyir daṅ | ’jig rten gyi chos thams cad kyis mi gos par bya ba’i phyir daṅ | ’jig rten las ’das pa’i dge ba’i rtsa ba yoṅs su dag par bya ba’i phyir daṅ | ye śes bsam gyis mi khyab pa’i yul khoṅ du chud par bya ba’i phyir daṅ | thams cad mkhyen pa’i ye śes kyi yul gyi (3) bar du khoṅ du chud par bya ba’i phyir daṅ | gaṅ ’di byaṅ chub sems dpa’i sa bcu po dag la brtsam źiṅ thob par bya ba’i phyir daṅ | byaṅ chub sems dpa’i sa ji lta ba bźin du rnam par dgod pa la mkhas pas bstan par bya ba’i phyir daṅ | saṅs rgyas kyi chos thams cad la lhag par dmigs par bya (4) ba’i phyir daṅ | zag pa med pa’i chos bye brag gis bsgom par bya ba’i phyir daṅ | śin tu rnam par phye ba rnam par ’byed pa śes rab chen po snaṅ ba la mkhas par bya ba’i phyir daṅ | śin tu brtags pa’i ye śes kyi sgo la ’jug par bya ba’i phyir daṅ | gnas gźan ci rigs su rab tu brjod (5) pa la bag ’chums pa med pa’i spobs pas snaṅ bar bya ba’i phyir daṅ | so so yaṅ dag par rig pa chen po’i sa śin tu rtogs par bya ba’i phyir daṅ | byaṅ chub kyi sems kyis brjod pa med par bya ba’i phyir daṅ | sems can gyi khams thams cad yoṅs su smin par bya ba’i phyir daṅ | thams cad (6) du źugs pa’i rnam par gtan la ’bebs pa thob par bya ba’i phyir byin gyis brlab pa mdzad do źes bya ba bcu pa de gñis kyis byaṅ chub sems dpa’ rnams kyi raṅ gi don daṅ gźan gyi don la brtsams te byin gyis brlabs so ||

ji ltar raṅ gi don la brtsams pa de lta bu ni bcu pa daṅ po’o || ji ltar gźan (7) gyi don la brtsams pa de lta bu ni bcu pa gñis pa yin par rig par bya’o ||
de la byaṅ chub sems dpa’ thams cad ni gaṅ su dag mos pas spyod pa la sogs pa’i sa la gnas pa rnams so ||
saṅs rgyas kyi chos bsam gyis mi khyab pa rnams ni ’jig rten las ’das pa’i byaṅ chub kyi phyogs pa gaṅ (105b1) yin pa dag go ||
snaṅ ba ni de la rtog pa ste | śes pa daṅ mthoṅ ba daṅ | thob pa daṅ | mṅon sum du byed pa’o || de brjod pa ni bstan pa daṅ rab tu bśad pa’o || de ni ye śes kyi sa bcu pa ji skad ’byuṅ ba rnams te | de dag gis de brjod pa’i phyir ro || de dag la ’jug pa ni dad pa daṅ | mos pa daṅ | (2) rab tu daṅ ba daṅ | ’thob pa gaṅ yin pa’o ||
de ni ’jug pa’i rtsa ba ste | mdo’i tshig byaṅ chub sems dpa’ thams cad saṅs rgyas kyi chos bsam gyis mi khyab pa snaṅ ba brjod pas ye śes kyis la ’jug par bya ba’i phyir źes bya ba ’dis ston to ||