gnas kyi rnam pa ci rigs su brjod pa (2) daṅ | spobs pa’i snaṅ ba dma’ ba med par thob par bya ba daṅ |

de la gnas pa’i byaṅ chub sems dpa’ la byaṅ chub mi ’thob pa’i ñes pa lṅa yod de | phas kyi rgol ba tshar gcod par mi (2) nus pa ni gaṅ gis na phas kyi rgol ba rnams kyis de yaṅ raṅ gi phyogs las bsgyur du ruṅ ba daṅ | pha rol yaṅ gźan du bkrir ruṅ ba’o || dris pa’i lan ’debs mi nus pa ni gaṅ gis dris na de rmoṅs pa daṅ | pha rol yaṅ ’jug par mi byed pa’o || theg pa dman pa ’dod pa ni gaṅ gis na [3) bdag ñid kyaṅ byaṅ chub chen po mi ’thob la | gźan gyi don yaṅ yal bar ’dor ba’o || sems can yoṅs su smin par bya ba la le lo byed pa ni gaṅ gis na gźan gyi don gtoṅ źiṅ bdag gi dge ba’i rtsa ba gźan gyi don byed pa’i rgyu las byuṅ ba yaṅ mi thob pa’o || thabs mi śes pa ni gaṅ (4) gis na sems can yoṅs su smin par byed pa daṅ | byaṅ chub kyi tshogs yoṅs su rdzogs par byed mi nus pa’o ||
de dag gi gñen por rtsom źiṅ ’thob pa lṅa yod par rig par bya ste | raṅ gi phyogs kyi khyad par ci rigs par yoṅs su bstan pa la bag tshab med par lan ’debs pa’i spobs pa mun (5) pa med pas phas kyi rgol ba tshar gcod nus pa rtsom źiṅ ’thob pa ni gaṅ gi phyir gnas gźan rigs su rab tu brjod pa la bag ’chums pa med pa’i spobs pas snaṅ bar bya ba’i phyir źes gsuṅs pa’o ||