de bas na rigs kyi bu khyod kyis chos kyi sgo rab tu dbye ba la mkhas par ’gyur ba’i chos kyi rnam graṅs ’di la saṅs rgyas kyi mthu daṅ | (5) de bźin gśegs pa’i ye śes snaṅ ba’i byin gyi rlabs kyis

ji ltar byin (2) gyis brlab ce na | gsuṅ daṅ | thugs daṅ | skus so ||
gsuṅ gi byin gyis brlabs pa ji lta bu źe na | yaṅ rigs kyi bu khyod chos rnams kyi sgo rab tu dbye ba la mkhas par ’gyur ba’i chos kyi rnam graṅs ’di las saṅs rgyas kyi mthus de bźin gśegs pa ye śes snaṅ ba’i byin gyi (3) rlabs kyi daṅ | raṅ gi dge ba’i rtsa ba yoṅs su dag pa’i phyir daṅ | chos kyi dbyiṅs sbyaṅs pa’i phyir daṅ | sems can gyi khams la phan ’dogs pa’i phyir daṅ | chos kyi sku ye śes kyi sku’i phyir daṅ | saṅs rgyas thams cad kyis dbaṅ bskur ba yaṅ dag par nod pa’i phyir daṅ | ’jig (4) rten thams cad las mṅon par ’phags pa’i lus ’byuṅ ba’i phyir daṅ | ’jig rten gyi ’gro ba thams cad las yaṅ dag par ’das pa’i phyir daṅ | ’jig rten las ’das pa’i chos kyi ’gro ba yoṅs su dag pa’i phyir daṅ thams cad mkhyen pa’i ye śes yoṅs su rdzogs pa’i phyir spobs par (5) gyis śig ces bya ba bcu pa ’dis so ||

de la spobs pa ni ji ltar ’dris pa’i chos kyi don ma brjed pa’o || chos rnams kyi sgo dag ni chos kyi rnam graṅs rnams so || de dag gi rnam pa tha dad pa ni rab tu dbye ba’o || de la chos kyi rnam graṅs ’dis mkhas par ’gyur bas de la mkhas pa’o ||
(6) spobs pa’i rtsa ba de la brten nas | spobs pa gźan rnam pa gñis te | gźan gyi mthus spobs pa daṅ | raṅ gi mthus spobs pa’o ||
de la gźan gyi mthus spobs pa ni saṅs rgyas kyi mthus te | ji ltar saṅs rgyas kyi mthus śe na | de bźin gśegs pa’i ye śes kyi mun pa med par (7) byin gyis brlabs pa ste | gaṅ gi phyir de bźin gśegs pa’i ye śes snaṅ ba’i byin gyi rlabs kyis źes gsuṅs so ||