de nas saṅs rgyas (2) bcom ldan ’das de dag gis byaṅ chub sems dpa’ rdo rje’i sñiṅ po la zil gyis mi non pa’i lus ñe bar bsgrub pa mdzad do ||

thugs kyis byin gyis brlabs pa ji lta bu źe na | de nas saṅs rgyas bcom ldan ’das de dag gis byaṅ chub sems dpa’ rdo rje’i sñiṅ po la zil gyis mi non pa’i lus ñid ñe bar sgrub par mdzad de | thogs (108b1) pa med pa’i spobs pas ston pa daṅ | śin tu rnam par sbyaṅs pa’i ye śes kyis śin tu rnam par phye ba la ’jug pa daṅ | brjed pa med pa’i byin rlabs daṅ | śin tu rnam par ṅes pa’i blo gros la mkhas pa daṅ | thams cad kyi rjes su soṅ ba’i blo mi ’dor ba ñid daṅ | yaṅ dag (2) par rdzogs pa’i saṅs rgyas kyi stobs brdzi ba med pa ñid daṅ | de bźin gśegs pa’i stobs daṅ | mi ’jigs pa źum pa med pa ñid daṅ | thams cad mkhyen pa’i ye śes kyis so so yaṅ dag par rig par rnam par dbye bas chos kyi tshul la rtog pa daṅ | de bźin gśegs pa’i sku daṅ | (3) gsuṅ daṅ | thugs kyi rgyan śin tu rnam par phye ba thams cad mṅon par sgrub par mdzad do źes bya ba bcu pa ’dis so ||

zil gyis mi non pa’i lus de yaṅ rnam pa gñis te | bla na med pa’i dpal gyis gzi brjid daṅ ldan źiṅ raṅ gi ’khor la rgyal po lta bu daṅ | spobs pa zil gyis mi (4) non pa’i lus te | sṅa ma ni gzugs kyi sku’i bye brag gis so || phyi ma ni miṅ gi tshogs kyi bye brag gis so ||