chos kyi dbyiṅs kyi ye śes kyi phyag rgyas śin tu btab pa’i phyir ro ||

don dam pa śes (110a1) par bya ba’i gdams ṅag bslu ba med pas mṅon pa’i ṅa rgyal med pa yaṅ rnam par dag pa ni gaṅ gi phyir | chos kyi dbyiṅs śes pa’i phyag rgyas legs par btab pa’i phyir ro źes gsuṅs pa’o ||
de la raṅ gi don la brtsams pa ni tiṅ ṅe ’dzin gyi rten gyi yon tan yoṅs su ’dzin pa (2) rnam pa bźi po gaṅ yin pa lhag pa’i bsam pa śin tu yoṅs su sbyaṅs pa’i phyir daṅ | ye śes kyi dkyil ’khor legs par sbyaṅs pa’i phyir daṅ | tshogs śin tu bsags pa’i phyir daṅ | yoṅs su sbyaṅs pa’i legs par byas pa’i phyir źes bya ba mdo tshig bźi po de dag gis brtson (3) ’grus rtsom pa’i rgyu daṅ | chud mi za ba’i rgyu daṅ | phun sum tshogs pa rgya chen po thob pa’i rgyu daṅ | de’i kun nas ñon moṅs pa med pa’i rgyu bstan te | go rims bźin no ||
gźan gyi don las brtsams pa rnam pa bźi po gaṅ yin pa de la dran pa tshad med pa’i snod yin pa’i phyir źes bya ba ni the (4) tshom gcod pa’i rgyu yin no ||
mos pa ’od gsal ba rnam par sbyaṅs pa’i phyir źes bya ba ni ’dun par byed pa’i rgyu yin te | mthu’i khyad par yaṅ dag par bstan pas bsam gyis mi khyab pa’i gnas la mos pas ’jug par ’gyur ba’i phyir ro ||
gzuṅs kyi sgo tha dad pa med pa legs par rtogs pa’i phyir (5) źes bya ba ni tshul la ’jug pa’i rgyu yin te chos kyi tshul nub pa na | ston pa gźan gyi gsuṅ rab la ’jug pa’i phyir ro ||
chos kyi dbyiṅs śes pa’i phyag rgyas legs par btab pa’i phyir źes bya ba ni ṅes par ’byin pa’i gdams ṅag gi rgyu yin te | gdul bya rnams kyi raṅ gi don thob pa chud mi za ba’i (6) phyir ro ||
thugs kyi byin gyis brlabs pa de ni de lta bu yin no ||