saṅs rgyas bcom ldan ’das de dag gis (5) byaṅ chub sems dpa’ rdo rje’i sñiṅ po la reg ma thag tu de ñid kyi tshe tiṅ ṅe ’dzin de las laṅs nas | byaṅ chub sems dpa’ de dag la smras pa |

saṅs rgyas bcom ldan ’das de dag gis byaṅ chub sems dpa’ rdo rje’i sñiṅ po la reg ma thag tu de nas de’i mod la tiṅ ṅe ’dzin de las laṅs nas byaṅ chub sems dpa’ de dag la smras pa | kye rgyal ba’i sras dag byaṅ chub sems dpa’i smon lam ’di ni śin tu (2) rnam par ṅes pa ste tha mi dad pa | bltar mi mthoṅ ba | chos kyi dbyiṅs śin tu rgyas pa | nam mkha’i khams kyi mthas gtugs pa | phyi ma’i mtha’i mur thug pa | sems can gyi khams thams cad kyi dpuṅ gñen yin te | kye rgyal ba’i sras dag des ni byaṅ chub sems dpa’ rnams ’das (3) pa’i saṅs rgyas kyi ye śes kyi sa la yaṅ ’jug | ma byon pa’i saṅs rgyas bcom ldan ’das rnams kyi ye śes kyi sa la yaṅ ’jug | da ltar byuṅ ba’i saṅs rgyas bcom ldan ’das rnams kyi ye śes kyi sa la’aṅ ’jug go || kye rgyal ba’i sras dag bcu po ’di dag ni byaṅ chub sems dpa’ rnams (4) kyi byaṅ chub sems dpa’i sa rnams te | gaṅ las bsams nas bdag gis de skad du smras pa de dag ni ’das pa daṅ | ma byon pa daṅ | de ltar byuṅ ba’i saṅs rgyas bcom ldan ’das rnams kyis gsuṅs so || gsuṅ ṅo || gsuṅ bar ’gyur ro || bcu gaṅ źe na | ’di lta ste | byaṅ chub sems (5) dpa’i sa rab tu dga’ ba źes bya ba daṅ | dri ma med pa źes bya ba daṅ | ’od byed pa źes bya ba daṅ | ’od ’phro can źes bya ba daṅ | śin tu sbyaṅ dka’ źes bya ba daṅ | mṅon du gyur źes bya ba daṅ | riṅ du soṅ źes bya ba daṅ | mi g-yo ba źes bya ba daṅ | legs pa’i blo gros can źes bya ba daṅ | (6) byaṅ chub sems dpa’i sa chos kyi sprin źes bya ba ste | kye rgyal ba’i sras dag gaṅ dag ’das pa daṅ | ma byon pa daṅ | da ltar byuṅ ba’i saṅs rgyas bcom ldan ’das rnams kyis gsuṅs pa daṅ | gsuṅ ba daṅ gsuṅ bar ’gyur ba ni byaṅ chub sems dpa’ rnams kyi byaṅ chub sems dpa’i (7) sa bcu po ’di dag yin no || kye rgyal ba’i sras dag bdag gis ni gaṅ na de bźin gśegs pa rnams byaṅ chub sems dpa’i sa bcu po ’di dag mi gsuṅ ba’i saṅs rgyas kyi źiṅ rab ’byam de ma mthoṅ ṅo || de ci’i phyir źe na | kye rgyal ba’i sras dag gaṅ ’dis rab tu dbye ba rnam par dgoṅ (111a1) par bstan pa byaṅ chub sems dpa’ sems dpa’ chen po rnams kyi byaṅ chub sems dpa’i lam yoṅs su sbyoṅ ba chos kyi sgo snaṅ ba ’di yaṅ dag phul yin pa’i phyir ro || kye rgyal ba’i sras dag gaṅ ’dis rnam par dgod pa śes pa’i gnas ’di ni bsam gyis mi khyab (2) pa’o źes bya ba la |

tiṅ ṅe ’dzin de las laṅs nas źes bya ba ni mthu’i khyad par thob pas tiṅ ṅe ’dzin gyi bya ba yoṅs su rdzogs pa’i phyir daṅ | bśad pa’i bya ba yaṅ ñe bar gnas pa’i phyir te | mñam par gźag bźin du ’chad mi nus so ||