kye | rgyal ba’i sras dag | (6) byaṅ chub sems dpa’i smon lam ’di ni śin tu rnam par gdon mi za ba ste | tha mi dad pa | ltar med pa | chos kyi dbyiṅs kyis klas par yaṅs pa | nam mkha’i dbyiṅs kyi (7) mthar thug pa | phyi ma’i mtha’i mur thug pa saṅs rgyas kyi źiṅ thams cad daṅ | sems can gyi khams thams cad du rgyas par khyab pa | ’gro ba thams cad yoṅs su skyob (72b1) pa | de bźin gśegs pa thams cad kyis byin gyi brlabs pa ste |

ci’i phyir gsol ba ma btab par ’chad (3) pa rtsom źe na | de ltar ma byas na ’chad ’dod pa ñid yin pa daṅ | ci źig ’chad ’dod par mi śes pa’i phyir ro ||
sa bśad pa de la sems bskyed pa smos pa | gaṅ yin pa de ñid bstan pa ’dir smon lam yin par rig par bya’o ||
’di ni źes bya ba ni sa daṅ por chud pa yin gyi mos pas spyod (4) pas bsdus pa ni ma yin no ||
śin tu rnam par ṅes pa ni don dam pa śes pa la gnas pa’i phyir ro ||
śin tu ṅes pa ñid śin tu rnam par ṅes pa’o ||
śin tu rnam par ṅes pa ñid kyaṅ rnam pa drug tu rig par bya ste | de bźin ñid la dmigs pa ro gcig pa’i rnam pa yin pas dmigs pa’i rnam (5) pa śin tu rnam par ṅes pa ñid ni gaṅ gi phyir tha dad pa med pa źes gsuṅs pa’o ||
’jig rten las ’das pa ñid yin pa’i phyir ’jig rten thams cad kyi yul ma yin pas ṅo bo ñid kyis śin tu rnam par ṅes pa ñid ni | gaṅ gi phyir bltar mi mthoṅ ba źes gsuṅs pa’o ||
chos chen po’i dbyiṅs ñid (6) yin pas saṅs rgyas kyi chos thams cad kyi rtsa ba yin pa’i phyir | gtso bor śin tu rnam par ṅes pa ñid ni gaṅ gi phyir chos kyi dbyiṅs śin tu rgyas pa źes gsuṅs pa ste | chen po daṅ | gtso bo daṅ | mchog daṅ | śin tu rgyas pa źes bya ba ni rnam graṅs dag go ||
chos ni mtshan ñid ’dzin pas chos (7) thams cad chos źes bya ba’i phyir ro ||
yaṅ chos kyi dbyiṅs la che ba ste | so so’i skye bo la sogs pa de bźin ñid la dmigs pa’i śes pa gźan rnam pas mchog tu gyur pa’i phyir te | rnam par dag pa’i chos la chos źes bya ba’i phyir ro ||
yaṅ de’i dbyiṅs ni chos chen po ste | yoṅs su snaṅ bar bya ba’i (111b1) sa’o ||
’di lta ste | theg pa chen po ste | bśad pa’i chos la chos źes bya ba’i phyir ro ||
yaṅ de’i dbyiṅs ni chos chen po dkar po’i dbyiṅs te | dge pa’i phyir chos źes bya ba’i phyir ro ||
rgyu ñid du śin tu rnam par ṅes pa ñid ni rnam pa gñis so ||
rgyu ñid ni nam mkha’ lta bu ste | de (2) la brten nas byuṅ ba’i gzugs rnams kyis zad pa med pa’i phyir ’bras bu mi rtag pa sdug pa ’grub pa’i rgyu ñid du śin tu rnam par ṅes pa ñid ni gaṅ gi phyir nam mkha’i mthas gtugs pa źes gsuṅs pa’o ||
mya ṅan las ’das pa la gźol ba’i phyir ’bras bu rtag pa’i rgyu ñid du śin tu rnam (3) par ṅes pa ñid ni gaṅ gi phyir phyi ma’i mtha’i mur thug pa źes gsuṅs pa’o ||
gźan gyi don la źugs pas che ba ñid du śin tu rnam par ṅes pa ñid ni gaṅ gi phyir sems can gyi khams thams cad kyi dpuṅ gñen yin te źes gsuṅs pa’o ||
śin tu rnam par ṅes pa brjod ma thag pa daṅ | (4) ’di gñis kyis ni smon lam de ’khor ba daṅ mya ṅan las ’das pa la gcig tu ṅes par gnas pa ma yin pa ñid du bstan to ||
saṅs rgyas thams cad kyi ye śes kyi sa la ’jug pa źum pa med pas źum pa med pa ñid du śin tu rnam par ṅes pa ñid de | de ni byaṅ chub sems dpa’i sa bcu po de dag (5) kho na yin te | saṅs rgyas kyi ye śes yaṅ dag par ’grub pa’i rten yin pa’i phyir ro ||
’dir yaṅ śin tu rnam par ṅes pa ni yan lag go ||
lhag ma ni ñe ba’i yan lag go ||
de gñis śin tu rnam par ṅes pa ñid kyi phyir mtshan ñid ’dra ba’o ||
rnam pa gźan ñid kyi phyir mtshan ñid mi ’dra ba’o ||
(6) ’du ba ni bsdus pa ste | yan lag gi dṅos po bstan pa’i phyir ro ||
rgyas pa ni rnam pa dbye ba ste | ñe ba’i yan lag gi rnam pa bstan pa’i phyir te | ’jig rten gyis khams ’jig pa daṅ ’chags pa bźin no ||