de ci’i phyir źe na | kye | rgyal ba’i sras dag | byaṅ chub sems dpa’ sems dpa’ chen po rnams kyi byaṅ chub sems dpa’i lam yoṅs su sbyoṅ ba’i chos snaṅ ba’i (6) sgo ’di ni yaṅ dag phul źes bya ba yin te | ’di ltar byaṅ chub sems dpa’i sa rnam par dgod pa śin tu bstan pa’o ||

kye rgyal ba’i sras dag bdag gis ni gaṅ na de bźin gśegs pa rnams byaṅ chub sems dpa’i sa bcu po ’di dag mi gsuṅ (5) ba’i saṅs rgyas kyi źiṅ rab ’byam de ma mthoṅ ṅo ||
de ci’i phyir źe na | kye rgyal ba’i sras dag gaṅ ’dis rab tu dbye ba rnam par dgod pa bstan pa byaṅ chub sems dpa’ sems dpa’ chen po rnams kyi byaṅ chub sems dpa’i lam yoṅs su sbyoṅ ba chos kyi sgo snaṅ ba ’di yaṅ dag phul yin pa’i (6) phyir ro ||
kye rgyal ba’i sras dag gaṅ ’dis rnam par dgod pa śes pa’i gnas skabs ’di ni bsam gyis mi khyab pa’o ||
saṅs rgyas thams cad kyis saṅs rgyas kyi źiṅ rab ’byam thams cad na ’di rnams gsuṅ ba ñid daṅ | chos kyi rnam graṅs ’di yaṅ dag phul ñid du brjod pa ste | ’khor (7) de mgu bar bya ba’i phyir ro ||
de la saṅs rgyas kyi źiṅ ni der ’byuṅ ba’i phyir te | ’bras sā lu’i źiṅ bźin no ||
rab ’byam yaṅ de yin te | saṅs rgyas kyi mdzad pa’i don du de nas ’jig rten gyi khams gźan dag tu rab tu śes pa’i phyir ro ||
gsuṅ ba źes bya ba ni gsuṅ ba rnam pa gñis te | (113a1) luṅ gi don du bstan pa daṅ | khoṅ du chud par bya ba’i phyir daṅ | gdams ṅag rjes su bstan pa’o ||
sems dpa’ chen po ni chen po gsum du rig par bya ste | go cha chen po daṅ | ’jug pa chen po daṅ | ’phags pa chen po’o ||
de la go cha ni smon lam ’debs (2) pa’o ||
’jug pa ni byaṅ chub chen po der źugs pa’o ||
’phags pa ni lam der ’phags pa’i byaṅ chub sems dpa’i lam yoṅs su sbyoṅ ba źes bya ba ’dis ni ji ltar yaṅ dag phul du gyur pa de ston to ||
’di ni chos kyi sgo yaṅ yin la chos kyi sgo gźan rnams snaṅ bar gyur pa yaṅ yin te | (3) theg pa chen po’i don thams cad snaṅ ba’i phyir chos kyi sgo snaṅ ba’o ||
chos kyi sgo ni chos kyi rnam graṅs yin par rig par bya’o ||
yaṅ dag phul ni chos thams cad pas phul du phyin te mchog tu gyur pa’i phyir ro ||
gaṅ ’dis rab tu dbye ba rnam par dgod pa źes bya ba ni chos kyi rnam graṅs ’jig (4) rten pa’i śes pas śes par bya ba yin par ston to ||