saṅs rgyas sku rab yaṅ dag ’byuṅ bas na || byaṅ chub sems dpa’i spyod pa rab bstan ciṅ ||
sa rgyu dam pa rnam par dbye bya ba || de ni rmad byuṅ mchog (5) tu dga’ ba yin ||

de la bśad par dka’ ba ñid ces bstan pa’i phyir |
’di ni dka’ ba dam pa rmad byuṅ ba || byaṅ chub sems dpa’i spyod pa rab bstan pa ||
sa rgyu rnam par dbye ba mchog yin te || de las saṅs rgyas dṅos po yaṅ dag ’thob ||
(2) ces bya ba gsuṅs so ||
de la dka’ ba ni bsgrub dka’ ba’o ||
dka’ ba ñid rnam pa gñis te | śin tu dka’ ba ñid daṅ | ma ’dris pas dka’ ba ñid do ||
de ni dam pa ñid daṅ | rmad du byuṅ ba ñid kyis bstan to ||
ci’i phyir de de ltar dka’ źe na | byaṅ chub sems dpa’i spyod pa rab bstan (3) pa || sa rgyu rnam par dbye ba mchog yin te || źes bya ba gsuṅs pa’o ||
de la byaṅ chub sems dpa’ rnams kyi spyod pa ni rtogs pa’i ye śes so ||
de rab tu ston par byed par rab tu bstan pa’o ||
sa rgyu rnam par dbye ba mchog yin te || źes bya ba ni byaṅ chub sems dpa’i spyod pa’i (4) rgyu sa rnams bstan pa yaṅ dag phul yin no ||
byaṅ chub sems dpa’i spyod pa rab tu bstan pa ci ’dra ba źig ce na | de las saṅs rgyas dṅos po yaṅ dag ’thob || ces gsuṅs pa’o ||
saṅs rgyas kyi dṅos po ni saṅs rgyas ñid de | saṅs rgyas kyi ye śes so ||