phra źiṅ blta dka’ rnam par rtog pa spaṅs || sems kyi sa daṅ bral bas bsgrub par dga’ ||
mkhas pa rnams kyi zag med spyod yul te || ’gro ba rnams (6) kyis de thos mos par ’gyur ||

bśad dka’ ba ñid (5) bstan nas | ji ltar de dka’ ba ñid de’i rgyu ston to ||
de’i rgyu gaṅ źe na | byaṅ chub sems dpa’i spyod pa’i don de ji ltar gnas pa de bźin du bśad par mi nus pa’o ||
don de gnas pa yaṅ ji lta bu źe na |
cha phra mthoṅ dka’ rnam par rtog pa spaṅs || sems kyi sa daṅ bral bas bsgrub par (6) dka’ ||
mkhas pa rnams kyis zag med spyod yul te || ’gro bas thos nas der ni rmoṅs par ’gyur ||
źes bya ba gsuṅs pa’o ||
de la bsgrub par dka’ ba ñid ni yan lag go || lhag ma ni ñe ba’i yan lag go ||
de la bsgrub par dka’ ba ni thob par dka’ ba ste | rtogs par dka’ ba’o ||
(7) bsgrub par dka’ ba ñid de yaṅ rnam pa bźi ste | cha phra bas bsgrub par dka’ ba ñid nas | sems kyi sa daṅ bral bas bsgrub par dka’ ba ñid kyi bar du’o ||
de la cha phra ba ni thos pa las byuṅ ba’i śes rab kyis śes par bya ba ma yin te | rags pa ni bsam mi dgos pas śes par bya ba ma yin no ||
mthoṅ (116a1) dka’ ba ni bsams pa las byuṅ bas kyaṅ śas par bya ba ma yin pa’o || rnam par rtog pa spaṅs pa ni ’jig rten pa’i bsgoms pa las byuṅ bas kyaṅ śes par bya ba ma yin pa ste | rnam par rtog pa ni khams gsum pa’i sems daṅ sems las byuṅ ba rnams yin pa’i phyir ro ||
(2) ’dis ni re źig ’jig rten pa’i sbyor ba las byuṅ ba’i śes pa’i spyod yul ma yin pa ñid ston to ||
sems kyis daṅ bral źes bya ba ’dis ni skyes nas thob pa rnam par smin pa las byuṅ ba’i sems kyi bye brag gi spyod yul ñid kyaṅ ma yin par ston te | sems kyi spyod yul ni ’dir sems kyis (3) yin par bya’o ||
’o na de su’i spyod yul źe na | mkhas pa rnams kyi zag med spyod yul te || źes bya ba gsuṅs pa ste | bden pa mthoṅ ba rnams kyi źes bya ba’i tha tshig go ||
ci’i phyir gźan rnams kyi ma yin źe na | ’di ltar zag med ces bya ba ste | ’jig rten las ’das pa (4) źes bya ba’i tha tshig go ||
de lta bas na ’jig rten pa’i śes pas śes par bya ba ma yin no ||
de ltar don zab pa de ji ltar nus pa de bźin du bśad kyaṅ dka’ ste | ’gro bas thos na der ni rmoṅs par ’gyur || źes bya ba’o ||
rmoṅs par ji lta bu źe na | don la sgra ji bźin du ’dzin pa’o | (5) thos na źes bya ba ni thos nas de bśad par dka’ ba ni de lta bu yin no ||