rdo rje lta bur bsam pa rab bźag ste || saṅs rgyas ye śes mchog la mos byas śiṅ ||
bdag med pa yi sems kyi sa śes na || ye śes (7) dam pa ’di gzod mñan par nus ||

da ni ji ltar mñan par dka’ ba ni ||
rdo rje lta bur bsam pa gźag byas nas || saṅs rgyas ye śes mchog la lhag mos śiṅ ||
sems kyi sa la bdag med rig nas ni || ye śes śin tu cha phra ’di mñan nus ||
źes (6) gsuṅs pa’o ||
de la rdo rje lta bu źes bya ba ni rdo rje ltar sra bar byas nas so || sra ba ñid ni rnam pa gñis te | mos pa sra ba ñid daṅ | rtogs pa sra ba ñid de | tshig gsum gyis bstan to ||
de la sra ba ñid ni yan lag go || lhag ma ni ñe ba’i yan lag go ||
saṅs rgyas kyi ye śes mchog la mos pa (7) ji lta bu źe na | saṅs rgyas kyi byaṅ chub ni mtha’ yas te | mos pa dad pas sems can rnams la de bźin gśegs pa rnams ni | de bźin gśegs pa rnams kyi chos bstan pa ’jug pas saṅs rgyas ñid kyis mkhyen gyi bdag gis ni mi śes so źes bya ba’o ||
sems kyis ni gaṅ yin | de la (116b1) bdag med par rig pa ji lta bu źe na | khams gsum gaṅ du sems rnam par smin pa daṅ | chos thams cad la dmigs pas gaṅ du sems de rgyu ba de ni sems kyi sa yin no ||
rnam pa de gñis ka la yaṅ gaṅ zag daṅ chos la bdag med par yaṅ dag pa ji lta ba bźin du rig pa’o ||
śin (2) tu cha phra ba źes bya ba ni śin tu rtogs par dka’ ba ste | ji ltar cha phra ba de ni sṅar bstan pa yin no ||