de la bdag gi sems ni ’di sñam byed || saṅs rgyas ye śes dam pa bsam yas la ||
’gro ba gaṅ rnams daṅ bar byed dkon źes || de yi phyir na ma (2) smras ma bśad do ||

de ltar saṅs (5) rgyas kyi ye śes de bśad pa’i rnam par dbye bas char phye ste | rnam par phye yaṅ mthoṅ bar dka’ ba yin no || de la ri mo bris pas ni miṅ daṅ tshig daṅ | yi ge’i tshogs rnams ston te | bśad pa’i skabs yin pa’i phyir ro || sgra’i gźi rluṅ gis ni tshig ston te | de gñis ni bśad par bya ba daṅ | (6) mñan par bya ba yin no || gal te ji ltar yaṅ mñan par nus na de ltar mthoṅ bar dka’ yaṅ ci’i phyir mi bśad ce na |
de la bdag gi blo ni ’di sñam du || ’gro ba gaṅ gis ’di rtogs ’gyur ba daṅ ||
mchog ’dir su źig daṅ ba dkon sñam nas || de yi phyir na ’di bśad spro ba med ||
ces bya (7) ba gsuṅs pa’o ||
de la rtogs par ’gyur ba ni khoṅ du chud par ’gyur ba’o || daṅ ba ni mos pa daṅ ldan pa’o ||
’dis ci źig bstan źe na | rtogs pa daṅ mos pa goṅ du smos pa de gñis daṅ ldan pa dag gis ’di mñan par nus na de dag ni ’jig rten na dkon te | de’i phyir mi bśad do sñam (117a1) pa’o | ||