’on (7) kyaṅ sems can mos pa chuṅ ṅu gźan dag gis zab mo’i rnam pa ’di lta bu bsam gyis mi khyab pa’i gnas dag thos par gyur la | thos nas kyaṅ the tshom daṅ yid gñis su gyur (75b1) na | de dag la yun riṅ por gnod pa daṅ | don med pa daṅ | mi bde ba’i rgyur ’gyur bas | ’di lta źig tu sñiṅ brtse ba’i phyir | bdag ni caṅ mi zer bar ’dug pa ñid du mos so ||

’on kyaṅ gźan dag bsam gyis mi khyab pa’i gnas ’di lta bu ’di thos par gyur la | thos nas kyaṅ yid gñis daṅ nem nur skye bar gyur na | de ni de dag la yun riṅ por na ba med (118a1) pa daṅ | gnod pa daṅ mi bde bar ’gyur te | ’di lta źig sñiṅ brtse bas de’i phyir bdag ni caṅ mi smra bar ’dug pa ñid du mos so źes bya ba ni ’phags pa rdo rje’i sñiṅ pos de’i ’khor yoṅs su dag pa ñid de bzuṅ nas | thos nas kyaṅ yid gñis daṅ | nem nur skye bar (2) ’gyur na źes smos pa ni | bstan pa ’di’i snod du mi ’gyur ba’i ñes pa ston to || don gcig la ñes pa’i skyon gñis chags pas yid gñis daṅ | nem nur źes rnam pa gñis su bstan to || draṅ po’i las daṅ mi mthun pa gñis so || sems la dogs pa yod pa’i phyir daṅ | dge (3) ba ñams par ’gyur bas dge ba sel ba’i phyir nem nur ro || de ltar mi ’gro ba’i rgyu ñid daṅ | ’gro ba las ldog pa’i rgyu ñid yoṅs su bstan pa yin no ||