de bas na || kye | rgyal ba’i (5) sras | śod cig daṅ | de bźin gśegs pa dgra bcom pa yaṅ dag par rdzogs pa’i saṅs rgyas rnams kyaṅ yoṅs su bsruṅ ba’i phyir byin gyis rlob pa mdzad do ||

de bas na kye rgyal ba’i sras śod cig daṅ | de bźin gśegs (118b1) pa dgra bcom pa yaṅ dag par rdzogs pa’i saṅs rgyas rnams kyaṅ yoṅs su bsruṅ ba’i phyir byin gyis rlob pa mdzad do źes bya ba ni ’phags pa rnam par grol ba’i zla bas de la ñes pa de yoṅs su bstsal nus pa daṅ | ma bśad na saṅs rgyas kyi chos yaṅ dag par mi ’grub pa’i ñes pa maṅ po ston to | | (2) gal te gnas ’di dag yid ches par mdzad pas saṅs rgyas rnams la mthu mṅa’ na | ci’i phyir ’di dag la kha cig khoṅ khro ba skye bar ’gyur źe na | ṅes pa ’di rnam pa gñis te | rnam par smin pa myoṅ bar ṅes pa daṅ | las byed par ṅes pa ste | de la ni saṅs rgyas rnams kyi mthus kyaṅ (3) mi smon to || ’di ni thog mar spyad pa ste || źes bya ba ni luṅ las dgoṅs nas gsuṅs pa’o || ’di ni saṅs rgyas kyi chos rnams yaṅ dag par ’grub pa źes bya ba ni rtogs pa’o || de la ri mo’i yi ge ni yi ge’i rgyu ste | seṅ ge ’dra ba la sogs pa’o ||
yi ge’i ’bru ni aa źes bya ba la sogs (4) pa yi ge’o || graṅs ni miṅ daṅ tshig ste | de gñis kyis don bgraṅ ba’i phyir ro || bstan pa ni ṅag go ||