źi sdom bsgrub (6) pa’i yid ldan pa || ṅa rgyal dregs daṅ lta ba’i ñon moṅs źir gyur pas ||
’khor ’dir the tshom bral ba ste || khyod kyis legs par bśad du re źiṅ sdod ||

de ltar ’chad pa po bstod nas | yaṅ ’khor kyaṅ rtogs pa daṅ luṅ gi ’os su ’gyur ba’i ’dod (6) pas bstod pa |
źi ba dul ba mi g-yeṅ dge ba’i yid || rgyags daṅ ṅa rgyal lta ba’i ñon moṅs spaṅs ||
’khor ’di the tshom bral bar gyur pa ste || khyod kyis legs par bśad pa ’dod ciṅ ’khod ||
ces de la ’dod pa ñid ni yan lag go ||
’dod pa de ni rnam pa gñis su bstan te | luṅ (7) gi ’os su ’gyur ba’i ’dod pa daṅ | rtogs pa’i ’os su ’gyur ba’i ’dod pa’o || de la kun nas ñon moṅs pa gñis kyis luṅ gi ’os su mi ’gyur te | rgyags pa daṅ ṅa rgyal gñis kyis so || des non na chos daṅ chos smra ba la gus par mi ’gyur te | go rims bźin no || log par rtogs pa (119b1) daṅ | bsam gyis mi khyab pa’i gnas la mi mos pa’i phyir | lta ba daṅ the tshom gñis kyis mi rtogs pa’i ’os su mi ’gyur ro || de la bag la ñal daṅ bcas pa’i lta ba ni lta ba kun nas ñon moṅs par rig par bya’o || de’i gñen po źi ba daṅ dul ba gñis kyis ni luṅ gi ’os su gyur te | (2) sems rnam par źi ba daṅ | spyod lam dul bar gnas pa’i phyir ro || mi g-yeṅ ba daṅ yid dge ba daṅ ldan pa gñis kyis ni rtogs pa’i ’os su ’gyur te | bsam pa legs par bsam pa daṅ | mchog tu dga’ ba thob pa’i phyir ro || mi g-yeṅ ba źes bya ba ni gaṅ mkhas pa la bya ste | (3) bsam pa legs par bsam pa’o ||