de bas śin tu blo yaṅs pas || rdul (77a1) med rnams la sa yi dam par ’jug pa śod ||
chags med stobs bcu’i tshogs gyur pa || bde gśegs spyod pa ma lus bśad par mdzod ||

de ltar ’chad pa po daṅ ’khor bsṅags pa ldan pas bskul nas | bśad pa’i bsṅags pa daṅ ldan pas bkur bar byed de |
de bas bde gśegs bgrod pa stobs | bcu lṅa na || chags pa med pa rab tu bstan pa’i phyir ||
dri med blo ldan sa yi khyad (120a1) par ni || rdul med ma lus legs par bśad pa mdzod ||
ces bya ba’o ||
de la legs par śod ces bya ba ni | bśad pa’i legs pa ñid de rigs pa’i tshul ñid du ston pa’o ||
legs pa ñid de yaṅ rnam pa gsum du ston te | gnas daṅ | raṅ bźin daṅ | (2) ’bras bu’o || de la gnas ni dri med blo ldan no || raṅ bźin ni sa rnams kyis ma bśad pa dag ston pa źes bya ba ste | khyad par rdul med ces bya’o || rdul med pa ji lta bu źe na | don phyin ci ma log pa’o || bśad pa na don phyin ci log tu gyur pa la ñes pa gsum ste | ’chad pa po (3) kha na ma tho ba daṅ bcas pa daṅ | ston pa la skur pa ’debs pa daṅ | ñan pa rnams la slu ba’o || ’bras bu ni saṅs rgyas kyi byaṅ chub stobs bcu daṅ ldan pa sgrib pa med pa’o || de ltar bskul kyaṅ mi ’chad pa ci’i phyir źe na | bskul ba yoṅs su ma rdzogs pa’i phyir te | raṅ gi rigs (4) kyi gtso bos ni sṅar bskul | ’khor rnams kyis ni phyis bskul to || da ni ’khor gyi gtso bo chos kyi rje las bskul ba tshol te | ci’i phyir źe na | chos kyi rnam graṅs ’di ñid śin tu gtso bor gyur pa’i phyir ro ||