de nas ’od zer stug (6) po’i sprin gyi dra ba’i khaṅ pa brtsegs pa chen po de dag nas saṅs rgyas kyi byin gyis sgra’i rnam pa ’di lta bu ’di byuṅ ṅo ||

de nas saṅs rgyas kyi mthus ’od zer stug po’i sprin gyi dra ba’i khaṅ pa brtsegs pa chen po de las ’di lta bu’i sgra ’di ’byuṅ ṅo ||
mi mñam mñam pa nam mkha’ mñam pa dag | ces bya ba la sogs pa’o ||
ci’i (7) phyir bcom ldan ’das kyis ’od zer gyi cho ’phrul daṅ bcas pas skul ba mdzad ce na | bcom ldan ’das kyis de la sṅar thugs kyis byin gyis brlabs kyi saṅs rgyas gźan dag ltar gsuṅ daṅ skus ni ma yin te | de bas na de gñis kyis byin gyis brlabs par bźed pa’o ||
ci’i phyir raṅ bźin (121a1) gyi gsuṅ daṅ raṅ bźin gyi skus byin gyis ma brlabs śe na | ci nas kyaṅ chos gtso bor byas par ’gyur ba daṅ | bdag mi btsun par ma byas par ’gyur ba’i phyir ro || ’od zer de ni las rnam pa brgyad byed pa daṅ | lus gñis yod par rig par bya ste | las rnam (2) pa brgyad ji lta bu źe na | yar dag par go bar byed pa’i las byed pa ni | ’di ltar des reg na byaṅ chub sems dpa’ rnams bdag ñid kyi stobs de bźin gśegs pa’i byin gyis brlabs pa las byuṅ ba la lta bar byed de | gaṅ gi phyir | byaṅ chub sems dpa’ stobs snaṅ ba źes (3) gsuṅs pa’o || ’khor gyi ’od zer graṅs med pa’i rgyu yin pas rgyu ñid kyi las byed pa ni gaṅ gi phyir | ’khor gyi ’od zer graṅs med pa’i yaṅ graṅs med pa źes gsuṅs pa’o || ’jig rten gyi khams graṅs med par yaṅ ’gro źiṅ ’od ’dom gaṅ tsam du ’du ba’i phyir | rgyas pa (4) daṅ ’du ba’i las byed pa ni gaṅ gi phyir | des phyogs bcu thams cad kyi ’jig rten gyi khams rab ’byam thams cad snaṅ bar byas nas źes gsuṅs pa’o || ṅan soṅ gi sdug bsṅal thams cad rab tu źi bar byed pa’i phyir rab tu źi bar byed pa’i las byed pa ni gaṅ gi phyir | ṅan soṅ gi sdug (5) bsṅal thams cad rgyun bcad ces gsuṅs pa’o || bdud kyi khyim thams cad ’od chuṅ dur byed pa’i phyir | ’di ltar sdaṅs te brtabs nas gdul bya rnams la bgegs byed par mi ’gyur bas zil gyis gnon pa’i las byed pa ni gaṅ gi phyir | bdud kyi khyim thams cad mog mog por byas (6) źes gsuṅs pa’o || saṅs rgyas kyi mthu bsam gyis mi khyab pa ston pa’i phyir | ’dun par byed pa’i las byed pa ni gaṅ gi phyir | saṅs rgyas kyi yul gyi rnam pa mthu daṅ | rdzu ’phrul gyi rnam par ’phrul pa bsam gyis mi khyab pa bstan źes gsuṅs pa’o || ’jig rten gyi khams thams (7) cad du de bźin gśegs pa’i ’khor gyi dkyil ’khor du des byin gyis brlabs pa’i byaṅ chub sems dpa’ kun du ston pa’i phyir kun du ston pa’i las byed pa ni gaṅ gi phyir | phyogs bcu thams cad kyi ’jig rten gyi khams rab ’byam thams cad du de bźin gśegs pa thams cad kyi ’khor gyi (121b1) dkyil ’khor rnams su chos bstan par byin gyi rlabs kyis brlabs pa’i byaṅ chub sems dpa’ snaṅ bar byas źes gsuṅs pa’o || tshigs su bcad pa’i sgra ’byin pa’i phyir bskul ba’i las byed pa ni gaṅ gi phyir | ’od zer stug po’i sprin gyi dra ba’i khaṅ pa brtsegs pa de las ’di lta bu’i sgra (2) ’di ’byuṅ ṅo źes gsuṅs pa’o || lus gñis ji lta bu źe na | skar mda’ lta bu’i lus ni gaṅ gi tshe khams gźan dag tu ’gro ba’o || ñi ma lta bu’i lus ni gaṅ gi che sprin stug po’i dra ba’i khaṅ pa brtsegs pa byas te ’dug nas rgya chen po gcig gis thams cad snaṅ bar byed pa’o || de ltar (3) ’khor gyi dkyil ’khor de dag na gcig tu gyur pa lta bur phan tshun lta bas bśad pa daṅ | mñan pa sla bar gyur to ||