bde gśegs spyod yul źi źiṅ ñe bar źi || smra ba’i lam rnams kun gyis brjod par dka’ ||
de dag sa daṅ spyod pa de ’dra bas || smra bar dka’ na bstan par ga (3) la nus ||

de’i ’og tu |
źi źiṅ rab źi bde bar gśegs pas mkhyen || smra ba’i lam rnams kun gyis brjod par dka’ ||
sa daṅ spyod pa rnams kyaṅ de ’dra ste || smra bar dka’ na (125b1) mñan par ga la nus ||
źes gsuṅs pa de ji ltar sbyar źe na |

ye śes de’i bral ba’i yoṅs su mya ṅan las ’das pa ni bstan zin la | raṅ bźin gyis yoṅs su mya ṅan las ’das pa ni ma bstan te | de bas na de yaṅ bstan pa’i phyir | źi źiṅ rab źi źes bya ba gsuṅs so || (2) de la źi ba ni spyi’i mtshan ñid du ldan pas raṅ bźin gyis yoṅs su mya ṅan las ’das pa ñid do || rab źi ba ni spyi’i mtshan ñid ma yin pa daṅ ldan pas ’bral ba’i yoṅs su mya ṅan las ’das pa ste | so sor brtags pas źi ba ni rab tu źi ba źes bya ba’i phyir ro || rnam pa de lta bu’i ye (3) śes de sus mṅon sum du yaṅ dag par thugs su chud ce na | bde bar gśegs pas mkhyen źes gsuṅs pa’o || sus bśad sus mñan źe na | smras pa sus kyaṅ ma yin no ||
ci’i phyir źe na | ’di ltar de ni | smra ba’i lam rnams kun gyis brjod par dka’ || źes bya ba’o | | (4) smra ba’i lam ni tshig gi lam ste | miṅ daṅ | tshig daṅ | yi ge’i tshogs rnams so ||
ci’i phyir brjod du med pa źes mi bya źe na | de yaṅ brjod pa’i bya ba med pa ma yin par bstan pa’i phyir ro ||
gal te ye śes ni brjod par dka’ na | sa daṅ spyod pa ci ’dra źe na | sa daṅ spyod pa rnams (5) kyaṅ de ’dra ste || smra bar dka’ na mñan par ga la nus || źes gsuṅs pa ste | de la sa ni yul te dmigs pa’o || spyod pa ni ’khor yin te | sbyin pa’i pha rol tu phyin pa la sogs pa chos gaṅ rnams daṅ lhan cig rgyu ba’o ||