de ni bsam yas sems lam rnam par spaṅs || ye śes mṅon bsgrubs rgyal ba’i spyod yul te ||
phuṅ po skye mched khams kyis bskyed pa min || sems kyis mi (4) śes yid kyis rnam ma brtags ||

ci’i phyir de ltar de brjod par dka’ źiṅ mñan par dka’ źe (6) na |
phuṅ po skye mched khams kyis phyi ma yin || sems kyis mi śes yid kyis bsam ma yin ||
źes gsuṅs pa’o ||
ci ston źe na | sbyor ba las byuṅ ba bsams pa las byuṅ ba’i śes (7) pa daṅ | skyes nas thob pa’i rnam par śes pa ci ’dra bas bstan par nus pa de gñis kyi yul ni de ma yin te | de daṅ mi ’dra ba saṅs rgyas kyi mkhyen pas mṅon sum du yaṅ dag par thugs su chud pa’i phyir ro || de ni ji ltar phuṅ po daṅ | khams daṅ | skye mched rnam par gźag pas (126a1) bstan pa de ltar med de | yi ge med pa’i phyir ro || de bas na brjod par bya bar mi nus so || ’di ltar rna ba’i rnam par śes pas śes par bya ba ma yin la | yid kyi rnam par śes pas rnam par brtag par bya ba ma yin te | de bas na mñan par yaṅ mi nus so ||
de la (2) ye śes mṅon par bsgrub ces bya ba de ni sa’i ye śes su ston te | de’i mṅon par bsgrub pa ni dmigs pa gaṅ daṅ | grogs gaṅ dag gis de mṅon par bsgrub pa’o ||