ji ltar bar snaṅ gnas kyi bya yi rjes || śin tu smra dka’ bstan par mi nus pa ||
de ltar bde gśegs sras kyi sa rnams kyaṅ || yid daṅ sems kyi (5) yul gyis śes mi nus ||

da ni mṅon par rdzogs par saṅs rgyas kyaṅ de ji ltar brjod pa daṅ | mñan par mi nus pa dpes ston te |
ji ltar (3) bar snaṅ gnas kyi bya yi rjes || mkhas pas brjod mi nus la mi mthoṅ ba ||
de ltar bde gśegs sras kyi sa rnams kyaṅ || brjod mi nus na mñan par ga la nus ||
źes bya ba’o ||
ci ston źa na | dper na nam mkha’i yul ni bya’i rkaṅ pa ltar yoṅs su bcad du med pa’i raṅ (4) bźin yin pas nam mkha’ la bya ’gro ba’i rkaṅ pa’i rjes brjod pa daṅ | mthoṅ bar mi nus mod kyi | ’on kyaṅ de la mi ’jog pa ma yin pa de bźin du bya’i rkaṅ pa lta bu’i miṅ daṅ | tshig daṅ | yi ge’i tshogs rnams kyi gnas su gyur pa byaṅ chub sems dpa’i sa rtogs pa’i ye śes (5) kyis bsdus pa rnams kyaṅ sgra ji bźin gyi ṅo bo ñid ma yin pas brjod pa daṅ mñan par mi nus mod kyi | ’on kyaṅ de dag la de mi ’jog pa ma yin te | de ltar re źig zab pas don gyi che ba bstan to || ci’i phyir bstan źe na | ṅas bśad kyi khyod kyis sgra ji lta ba bźin du don du gzuṅ bar mi bya’o (6) źes bstan pa’i phyir ro || sgra ji bźin du don bzuṅ na ni ñes dmigs rnam pa lṅa yod de | mos pa’i gnas ma yin pa ñid kyi ñes pa daṅ | rtsol ba ma ñams par ’gyur ba’i ñes pa daṅ | gźan la slu ba’i ñes pa daṅ | ston pa la skur pa ’debs pa’i ñes pa daṅ | chos spoṅ bar byed (7) pa’i ñes pa’o || de ltar bdag cag la ñes dmigs lṅa med par śes nas | don gyi zab pa bstan pas ’khor rnams rgya cher dad par ’gyur ro ||