’di ni tshig gis brjod par śin tu dka’ || de ltar tshad med bde gśegs mthu dag las ||
chu thigs gcig ’dra bdag gi lus ’di (3) la || de riṅ źugs kyi bśad pa mñan par gyis ||

de ni tshig gis śin tu brjod dka’ yaṅ || bde bar gśegs mthu dpag med gaṅ yin pa ||
’od zer lus can de ni bdag la źugs || (4) de yi mthus na bdag gis bśad par nus ||
źes bya ba’o ||

de la rgyal ba’i sras kyi sa thams cad brjod par mi nus so źes gsuṅs la | de las phyogs tsam bśad par bya źes bya ba ji ltar sbyar źe na | sas bsdus pa’i ye śes de ni rnam pa gñis te | rgyur gyur pa daṅ | ’bras (5) bur gyur pa’o || de bas na rgyur gyur pa bśad par bya ste | khoṅ du chud par bya’o źes ston to || de ni ’bras bur gyur pa’i phyogs gcig go || bstan pa de’i che ba ñid rnam pa gsum du ston te | rgyu phun sum tshogs pa’i che ba ñid daṅ | rgyu ñid phun sum tshogs pa’i che ba ñid daṅ | gdams (6) ṅag rab tu brjod pa phun sum tshogs pa’i che ba ñid do ||
de la byams daṅ sñiṅ rje smon lam gyis || źes bya ba ni rgyu phun sum tshogs pa’o || de la ’char ka’i mdo bźin du bde ba daṅ yid bde ba rgyu daṅ bcas pa sgrub pa’i bsam pa ni byams pa’o || sdug bsṅal daṅ yid mi bde ba rgyu daṅ bcas pa (7) bsal ba’i bsam pa ni sñiṅ rje’o ||
smon lam ni byaṅ chub chen por sems skyed pa’o || de gñis smos pas ni byams pa daṅ sñiṅ rje thun moṅ ma yin pa yun riṅ po nas bsgoms nas źes bya bar ston to ||
rim pa’i tshul bźin du źes bya ba ni rgyu ñid phun sum tshogs pa ste | bśad pa de thos (127a1) pa las byuṅ ba daṅ | bsams pa las byuṅ ba la sogs pa śes pa’i rim pa gaṅ gis ’jig rten las ’das pa’i ye śes kyi bar gyi rgyur ’gyur ba’o || gdams ṅag rab tu brjod pa phun sum tshogs pa ni rnam pa gñis te | yoṅs su rdzogs par byed pa rab tu (2) brjod pa daṅ | dmigs pa rab tu brjod pa’o ||
de la yoṅs su rdzogs par byed pa rab tu brjod pa ni gaṅ gi phyir | sems kyi spyod yul rnams kyis min || bsam pa ji bźin ye śes de rdzogs byed || ces gsuṅs pa’o ||
ci ston źe na | thos pa las byuṅ ba la sogs pa’i śes (3) pa | sems kyi spyod yul du gyur pa de dag ni ’jig rten las ’das pa’i ye śes kyi rgyu tsam du ’gyur gyi | de dag gis de dag yoṅs su rdzogs par byed pa ni ma yin te | ’di ltar bsam pa dag pa rtogs pa’i ye śes ’jig rten las ’das pa de dag de rdzogs par byed do źes ston to ||
de (4) la dmigs pa rab tu brjod pa ni gaṅ gi phyir | de yi spyod yul de ’dra mthoṅ dka’ ba || de ni raṅ sems gnas kyaṅ brjod mi nus || źes gsuṅs pa ste | ci ston par ’gyur źe na | de’i spyod yul de ’dra mthoṅ dka’ ba raṅ gi bsam pa dag pa la yod pa gaṅ yin pa de ni brjod par mi nus so || (5) źes ston to ||
de ltar bstan pa’i gdams ṅag rab tu brjod pa phun sum tshogs kyaṅ ñes pa gñis kyis rtogs par mi ’gyur te | ’chad pa po’i ñes pa daṅ | ñan pa po’i ñes pa’o ||
de la ’chad pa po’i ñes pa yaṅ rnam pa gñis te | saṅs rgyas kyis bka’ ma stsal par ’chad pa daṅ | (6) ñe mgon byed ba’o ||
ñan pa po’i ñes pa yaṅ rnam pa gñis te | ṅas ni rigs kyi khyod kyis ni mi rigs so źes mṅon par źen nas chos la du mar sems pa lta ba’i ñes pa daṅ | ’chad pa po la ma gus pa’i ñes pa’o ||
de la re źig ’chad pa po bdag gi ñes pa med par ston to ||
bdag ni (7) saṅs rgyas kyis bka’ ma stsal pa daṅ | ñe mgon byed ciṅ mi ’chad de | ’on kyaṅ rgyal ba’i mthu yis rab brjod kyi || źes gsuṅs pa’o ||
thams cad ñon la źes gsuṅs pa’i phyir ro ||
de’i ’og tu ñan pa po’i ñes pa rnam pa gñis yoṅs su spaṅs pa’i phyir | de dag ñid la mthun (127b1) par gus bcas kyi || źes bya bas ston te | go rims bźin no ||
de ltar bśad do źes dam bcas na ci rgya cher ’chad dam | ’on kyaṅ mdor ’chad ce na | rgya cher ’chad mi nus la mdor ’chad de | ’on kyaṅ de’i don mtha’ dag ’chad do źes tshigs su bcad pa gsum pas dam bcas (2) te | ’di yi ’jug bya ye śes de ’dra ba || źes bya ba’o || de la ’jug par bya ba’i ye śes ni sa bstan pa ’dis ye śes la ’jug pa gaṅ yin pa’o || yaṅ dag ma lus źes bya ba smos pas ni rgya chen po de’i don ji lta ba daṅ ji sñed yoṅ pa bsdus par ston to || ji bźin gnas źes bya ba (3) ni de bźin gśegs pas rnam par gźag pa’i tshul gyis ji lta ba bźin du gnas pa’o ||
gus pa daṅ bcas par ñon cig ces bya ba de ni bśad zin no | ji ltar gus pa daṅ bcas par bya ba ma bśad pas de’i phyir de ston te | gus daṅ bcas par sta gon gyis śig daṅ || źes bya (4) ba’o || de la sta gon bya ba ni rnam pa gñis su rig par bya’o || lus kyis sta gon bya ba ni spyod lam gaṅ gis gnas te | ñan pa’i ’os su gyur pa yin no || sems kyis sta gon bya ba ni sems rnam par mi g-yeṅ ba gaṅ gis ’dzin pa’i ’os su ’gyur ba yin no || ’dis ni lus kyis sta (5) gon bya ba gus pa daṅ bcas par bya ba daṅ | sems kyis sta gon bya ba gus pa daṅ bcas pa daṅ | sta gon bya ba rnam pa gñis la ’dzud do || bdag gis legs par bśad ces bya ba ni bdag ñid mṅon pa’i ṅa rgyal med par ston to || rgyal ba’i mthus źes bya ba ni ṅa rgyal med pa ñid do | | (6) tshigs su bcad pa’i phyed ’og ma | dpe ldan ’thad la yi ge mñam pa yis || chos kyi dam pa sgras ni bśad par bya || źes bya bas ci ston źe na | gaṅ bśad pa ste | chos kyi dam pa daṅ | gaṅ gis śe na | sgra daṅ | ji lta bur źe na | dpe daṅ | gtan tshigs daṅ ldan pa daṅ | (7) gaṅ la brten źe na | yi ge rnams la ste | de thams cad legs par bśad par bya’o źes ston to || de la ’thad pa źes bya ba ni gtan tshigs daṅ ldan par rig par bya’o || yi ge mñam ni rnam pa gñis kyis te | su’i skad ci ’dra ba des yi ge mñam pa daṅ | tshig daṅ yi ge maṅ ñuṅ (128a1) med par ran pa ji sñed dag gis don go ba’o || rgyal ba’i mthus ni bstan zin na | mthu de ci ’dra ba ma bstan te | de’i phyir tshigs su bcad pa lṅa pas de ston te | de ni tshig gis śin tu brjod dka’ yaṅ || bde bar gśegs mthu dpag med gaṅ yin pa || ’od (2) zer lus can de ni bdag la źugs || de yi mthus na bdag gis bśad par nus ||źes bya ba’o ||
de nas sa bśad par rtsom ste | sa bśad pa ’di la ci źig bstan par bya źe na | gnas pa daṅ | ṅes pa’i tshig daṅ | rab tu gnas pa’o || de la gnas gaṅ yin pa daṅ | gaṅ (3) gi phyir daṅ | gźi gaṅ yin pa daṅ | ci ’dra ba’i sems skyes pas sa daṅ po la gnas par gyur pa de ni gnas pa yin no | ||