bcom ldan ’das kyis bka’ stsal pa | rab ’byor ’di ltar byang chub sems dpa’ sems dpa’ chen po de dag ni skye bo mang po la phan pa dang skye ba mang po la bde ba dang ’jig rten la snying brtse ba dang skye bo phal po che’i don dang phan pa dang bde ba’i phyir zhugs pa ste | lha dang (6) mi rnams la snying brtse ba can snying brtse ba’i phyir | bla na med pa yang dag par rdzogs pa’i byang chub mngon par rdzogs par ’tshang rgya bar ’dod pa | bla na med pa yang dag par rdzogs pa’i byang chub tu mngon par rdzogs par sangs rgyas nas bla na med pa’i chos ston par ’dod pa’o ||