de ci’i phyir zhe na | shā ri’i (2) bu de ni ’di ltar yin te byang chub sems dpa’ sems dpa’ chen po gang dag sems can rnams bla na med pa yang dag par rdzogs pa’i byang chub la rab tu ’jogs pa dang yang dag par ston pa dang yang dag par ’god pa dang | yang dag par gzengs stod pa dang yang dag par rab tu dga’ bar byed (3) pa dang yang dag par rab tu ’byed par ’gyur ba dang yang dag par rdzogs pa’i byang chub la gnas par byed par ’gyur ba dang phyir mi ldog par byed par ’gyur zhing bdag nyid kyang de la slob par ’gyur na | shāā ri’i bu skye ba ’phos nas kyang de dag la mi dmigs pa dang ldan pa dang stong pa nyid dang (4) ldan pa dang pha rol tu phyin pa drug dang ldan pa’i mdo sde zab mo zab pa dag rang nyid nye bar ’ong bar ’gyur rang nyid nye bar gzhol bar ’gyur rang nyid nye bar phyogs par ’gyur ro ||