rab ’byor gzhan yang dge slong chos smra ba gang yin pa de ni gcig pu la mngon par dga’ bar (136a1) ’gyur la | chos nyan pa gang yin pa de dag ni ’khor lhur byed par ’gyur pa dang | chos smra ba de yang ’di skad du gang nga la bsnyen par byed pa de dag la ni ngas shes rab kyi pha rol tu phyin pa ’di sbyin no gang nga la bsnyen par mi byed pa de dag la ni mi sbyin no zhes (2) par ’gyur zhing | rigs kyi bu dang rigs kyi bu mo de dag de ltar don du gnyer ba dang ’dod pa dang chos la gus pas chos smra ba la bsnyen par byed kyang go skabs ’byed par mi ’gyur ba dang | chos smra ba de yang zang zing cung zad tsam ’dod la de yang sbyin par mi ’dod pa dang | (3) gang dag gang na mu ge dang grub pa dang bde ba med pa dang srog gi bar chad du ’gyur ba yod pa de dang der ’gro bar ’gyur te | chos nyan pa de dag kyang gzhan las thos nas phyogs der mu ge byung ste | grub pa dang bde ba med cing phyogs der srog gi bar chad du yang ’gyur ro zhes rig pa (4) dang | chos smra ba de yang rigs kyi bu de dag la ’di skad du rigs kyi bu dag phyogs ’di zhes bya bar gal te mu ge’i ’jigs pa byung ste | rigs kyi bu khyod der dong na mu ge’i ’jigs pas phyis ’gyod par gyur te re zhes zer nas | de dag de ltar chos smra ba des thabs pra (5) mos spong ste | de dag kyang yid byung nas ’di ltar shes te | ’di dag ni spong ba’i mtshan ma yin gyi ’di dag ni sbyin par ’dod pa’i mtshan ma ma yin te | ’di ni sbyin mi ’dod do zhes rig pas bsnyen par mi byed par ’gyur te | rab ’byor ’di yang shes rab kyi pha rol tu (6) phyin pa ’di ’dri ba dang slob pa dang ston pa dang nye bar ston pa dang lung ’bogs pa dang | kha ton byed pa de la tshogs pa dang mi ldan par gyur te | rab ’byor ’di yang byang chub sems dpa’ sems dpa’ chen pos bdud kyi las su rig par bya’o ||