|| shes rab kyi pha rol tu phyin pa brgyad stong pa | bam po bcu bzhi pa | rab ’byor ’di lta ste (3) dper na skyes bu shes rab ’chal ba’i rang bzhin can zhig rgya mtsho’i gru mig tshags ma byas shing ma bcos pa bcing nga bcings nas ring du lon pa zhig chu’i nang du drangs nas der rdzas bskyas te gang zhing khal gyis non pa’i nang du zhugs par gyur na | rab ’byor gru de ni ’di lta ste (4) ’di lta bur ’jig pa’i chos can du ’gyur te chu’i pha rol du ma rgal bar de’i rdzas kyang gzhan du ’gyur la gru de yang gzhan du ’gro bar rig par bya ste | de ltar ded dpon thabs mi mkhas pa ’chal ba’i shes rab can de nor chen po dang bral ba dang phrad par ’gyur te rin po che’i ’byung (5) gnas chen po las yongs su nyams par ’gyur ro ||