rab ’byor ’di lta ste dper na ded dpon mkhas pa’i rang bzhin can gyis rgya mtshor ’jug pa’i gru bcing ba legs par bcings mig tshags bya ba lags par byas nas bcos par bya ba legs par bcos te chu’i nang du drangs nas rdzas bskyas te gang bar byas (3) nas legs par bshams shing mthun pa’i rlung dang sbyar te de gang du ’gro bar ’dod pa’i phyogs su mthar gyis song na | rab ’byor gru de ni chus ’jig par mi ’gyur gyi gru de ni gang du ’gro bar bya ba’i phyogs der phyin par ’gyur zhing ded dpon de yang rnyed pa chen po ’di lta ste (4) ’jig rten gyi rin po che dag dang ldan par ’gyur ro zhes rig par bya’o ||