shā ri’i bu ’di lta ste dper na ’dab chags bya zhig gi lus dpag tshad brgya ba ’am dpag tshad nyis brgya ba ’am dpag tshad sum brgya pa ’am dpag tshad bzhi brgya pa ’am dpag tshad lnga brgya pa tsam du gyur pa zhig yod de | de sum cu rtsa gsum pa’i lha’i nang (7) na ’dug pa las ’dzam bu’i gling ’dir ’gro’o snyam du sems shing shā ri’i bu ’dab chags bya de ’dab ma ma skyes pa ’am ’dab ma byi bar gyur pa ’am ’dab ma bcad par gyur la | des ’dzam bu’i gling ’dir gnas par bya’o snyam du bsams te sum cu rtsa gsum pa’i lha’i ris nas (173a1) bdag nyid mchongs te ’dab chags bya de de nas lhung ba dang | nam mkha’i bar snang la gnas pa’i bar der ’di snyam du kye ma’o bdag phyir sum cu rtsa gsum pa’i lha’i nang du gnas par bya’o snyam du sems na shā ri’i bu de ci snyam du sems ci ’dab chags bya des phyir sum cu (2) rtsa gsum pa’i lha’i nang na gnas par nus sam | tshe dang ldan pa shā ri’i bus gsol pa | bcom ldan ’das de ni ma lags so ||