bcom ldan ’das (179a1) phyir mi ldog pa’i byang chub sems dpa’ sems dpa’ chen po’i rnam pa gang dag lags rtags gang dag lags mtshan ma gang dag lags | bcom ldan ’das ci ltar bdag gis phyir mi ldog pa’i byang chub sems dpa’ sems dpa’ chen po lags par ’tshal bar bgyi | (2) bcom ldan ’das kyis bka’ stsal pa | rab ’byor so so’i skye bo’i sa gang yin pa dang nyan thos kyi sa gang yin pa dang rang sangs rgyas kyi sa gang yin pa dang sangs rgyas kyi sa gang yin ’di ni de bzhin nyid kyis zhes bya ste | ’di dag thams cad kyi de bzhin nyid la gnyis su med cing gnyis su (3) byar med de rtog pa med la rnam par rtog pa med pa’o ||