dge slong brgya stong phrag drug cu’i dge slong gi dge ’dun chen po dang thabs cig ste:

dge slong brgya stong phrag drug cu’i dge slong gi dge ’dun chen po dang zhes bya ba la sogs pas bcom ldan ’das kyi ’khor phun sum tshogs pa bshad de, ’khor de’ang rnam pa gnyis te; nyan thos kyi ’khor dang byang chub sems dpa’i ’khor ro. de la de bzhin gshegs pa’i bka’ la shin tu zhugs pa zhes bya ba yan chad kyis ni nyan thos kyi ’khor phun sum tshogs pa bstan to, de man chad kyis ni byang chub sem dpa’i ’khor phun sum tshogs pa bstan to.
8b2-4: de la dge slong brgya stong phrag drug cu zhes grangs nges pa bstan pa yang sngon bcom ldan ’das las sdud pa pos mdo sde ’di thos pa’i tshe lha dang klu la sogs pa tshe ring po rnams kyang ’khor de na ’khod pa de nyid phyis mdo sde ’di sdud pa’i tshe na yang ’khod de, grangs nges pa ’dis ma ’khrul pa’i don rtags su rung zhing phyi ma rnams yid ches pa bya ba’i phyir smos so. dge slong zhes bya ba ni skabs ’dir nyon mongs pa bcom pa la bya’o; dge ’dun zhes bya ba ni lta ba dang spyod pa la sogs pa mthun pas lta ba gzhan gyis mi phyed pa la bya’o; chen po zhes bya ba ni rgyun du zhugs pa la sogs pa’i ’bras bu thob pa la bya’o; gnyis su na nyon mongs pa bcom pas na chen po zhes bya’o. Cf. Rgvbh. p.523.