de nas bcom ldan ’das la tshe dang ldan pa sha ra dva ti’i bus ’di skad ces gsol to: bcom ldan ’das, byang chub sems dpa’ blo gros mi zad pa ’di gang nas mchis? de bzhin gshegs pa de’i mtshan dang, ’jig rten gyi khams de’i ming ci zhes bgyi? ’jig rten gyi khams de ’di nas ji srid cig mchis? ’di ltar de bzhin gshegs pa de’i mtshan dang, sangs rgyas kyi zhing de’i ming thos nas, sems can dpag tu ma mchis grangs ma mchis pa rnams byang chub kyi phyir go cha ’tshal bar ’gyur bar de bzhin gshegs pas bstan du gsol, bcom ldan ’das bde bar gshegs pas bstan du gsol;

sems can rnams byang chub kyi phyir go cha ’tshal bar ’gyur bar zhes bya ba ni de dag gi yon tan bshad pas ci nas kyang sems can rnams bla na med pa’i byang chub tu sems bskyed par ’gyur ba, de lta bur bshad du gsol zhes bya ba’i don to.