sha ra dva ti’i bu, de bzhin gshegs pa dgra bcom pa yang dag par rdzogs pa’i sangs rgyas kun tu bzang po ni ji ltar ’di na gzhan gyi sgra dang so so rang gi tshul bzhin yid la byed pa ltar rgyu dang rkyen gnyis kyis yang dag par lta ba mi ston te, sha ra dva ti’i bu, byang chub sems dpa’ de dag gis de bzhin gshegs pa de mthong ma thag tu don rnam par nges pa las pha rol tu phyin pa drug yongs su rdzogs par byed do, mi skye ba’i chos la bzod pa’i lung bstan pa yang rab tu ’thob bo;

ji ltar ’di na zhes bya ba la ji ltar sangs rgyas shākya thub pa’i zhing ’di na gnyis kyi rgyu dang rkyen gyis yang dag par lta ba ston te, gzhan gyis bshad pa’i sgra’i rkyen dang, so so rang gis rig pa’i rgyu gnyis kyis yang dag pa’i lta ba ston to. de ltar na sangs rgyas kun tu bzang po’i zhing de ni gnyis kyi rgyu dang rkyen gyi lta ba mi ston te; de ci’i phyir zhe na? sgras chos ’chad pa ni med kyi, byang chub sems dpa’ de dag tshul bzhin yid la byed pas yang dag pa’i lta ba bskyed pa’i phyir ro. de la gzhan gyi sgras ni lhan cig byed pa’i grogs bstan to. tshul bzhin yid la byed pas gtso bo’i rgyu bstan to. byang chub sems dpa’ de dag gis de bzhin gshegs pa de mthong ma thag tu zhes bya ba la sogs pas sangs rgyas rjes su dran pa’i ting nge ’dzin de’i ’bras bu bstan te, don rnam par nges pa zhes bya ba ni gong du smos pa’i tshul gyis mtshan ma thams cad rnam par spangs pa zhes bya ba’i ting nge ’dzin de nyid chos kyi dbyings rnam par dag pa’i don gtan la phab cing ma nor bar shes pa yin pa’i phyir don rnam par nges pa zhes bya ste, de chud pa las pha rol tu phyin pa drug yongs su rdzogs par bye do zhes bya ba dang sbyar ro.
Akṣ. tib. ins.: "They also get the prophecy connected with tolerating the fact that all moments of existence are unborn." All the other sources, T1 p. 186c19, T2 p. 586a10 and ṭ. fol. 35a7, omit this sentence here. It is repeated Akṣ. tib. p. 153.