gzhan yang theg pa gnyis te. gnyis gang zhe na? lha’i theg pa dang mi’i theg pa’o.

dus gsum la mkhas pa bshad pa’i ’og tu theg pa kun la mkhas pa bstan pas, ji ltar bstan pa bzhin du bshad par bzhed nas de la byang chub sems dpa’i theg pa thams cad la mkhas pa gang zhe na zhes dris te, theg pa thams cad la mkhas pa ni theg pa kun la mkhas pa ste, theg pa thams cad kyi rgyu dang rang bzhin dang ’bras bu phyin ci ma log par rtogs pa’o. de la theg pa thams cad ni bsdus na rnam pa gnyis te, a) ’jig rten las ’das pa’i theg pa dang, b) ’jig rten gyi theg pa’o.
a) ’jig rten las ’das pa’i theg pa bstan par bzhed nas gsum po ’di dag ni theg pa ste nges par ’byin pa’o zhes bya ba la sogs pa gsungs te, nyan thos dang, rang sangs rgyas dang, byang chub sems dpa’i theg pa ’di gsum ni ’jig rten las ’das pa’i theg pa zhes bya ste, ci’i phyir zhe na? ’khor ba las ’byin par byed pa’i phyir ro.
b) The ways of gods and men, being laukika, as different from the three lokottara, mentioned before but leading to them, are explained in detail in ṭ. fol. 147a5-b5: ’jig rten gyi theg pa bstan par bzhed nas gzhan yang theg pa gnyis te, gnyis gang zhe na? lha’i theg pa dang mi’i theg pa’o zhes bya ba gsungs pa’o. de la lha rnams kyi theg pa yin pas na lha’i theg pa dang, mi rnams kyi theg pa yin pas na mi’i theg pa’am lhar ’gyur ba’i theg pa dang mi ’gyur ba’i theg pa ni lha’i theg pa dang dang mi’i theg pa zhes bya’o.
de la lha’i sgras ni rgyal chen bzhi la sogs pa ’dod pa’i khams lha drug dang, gzugs kyi khams kyi lha dang, nam mkha’ mtha’ yas la sogs pa gzugs med pa’i khams kyi lha rnams bsdu’o. theg pa’i sgras ni bsod nams su nye bar ’gro ba’i ’du byed srog gcod pa las phyir log pa la sogs pa dge ba bcu’i las kyi lam dang, rtog pa dang bcas dpyod pa dang bcas pa zhes bya ba la sogs pa zag pa dang bcas pa’i gzugs kyi khams kyi bsam gtan bzhi dang, nam mkha’ mtha’ yas so zhes bya ba la sogs pa gzugs med pa’i khams kyi snyoms par ’jug pa bzhi mi g.yo ba nye bar ’gro ba’i mtshan nyid rnams bsdus te ’du byed de gnyis kyis lha’i gnas de dag thob par byed cing der ’gro bas na lha’i theg pa zhes bya’o.
mi’i sgras ni gling bzhi na gnas pa’i skyes pa dang bud med ces bya ba la sogs pa bsdus te, theg pa’i sgras ni dge ba bcu’i las kyi rang bzhin bsod nams su nye bar ’gro ba’i ’du byed la bya’o. kha cig na re: bsod nams ma yin par nye bar ’gro ba srog gcod pa la sogs pa mi dge ba’i las kyi lam bcu po rnams kyis kyang ngan song gsum du ’gro zhing skye bar byed pas ’dis ’gro ba dang ’dir ’gro ba zhes bya la sogs pa theg par bstan pa’i mtshan nyid yod na ’dir ’jig rten pa’i theg pa’i nang du ngan song gsum rnams ci’i phyir theg pa ma bsdus she na? theg pa zhes bya ba’i don ni rgyus bde ba skyed par byed pa dang, ’bras bu’i tshe ’phags pa’i bden pa rtogs pa’i snod du rung ba la bya ste, mi dge ba bcu’i las kyi lam rnams la ’dis ’gro ba dang ’dir ’gro ba zhes bya ba bstan du rung yang mi dge ba’i las kyi lam gyi rgyu nyid sdug bsngal skyed par byed pa dang ’bras bu’i tshe na yang ’phags pa’i bden pa rtogs pa’i snod du mi rung bas na theg pa zhes mi bya’o.