Chānd-Mül, 1879-843. Speech is indeed the fourth foot of Brahman. That foot shines with Agni (fire) as its light, and warms. He who knows this, shines and warms through his celebrity, fame, and glory of countenance.
Chānd-Śaṃ, 8th c. A.D.tatra vāgeva manaso brahmaṇaścaturthaḥ pāda itarapādatrayāpekṣayā | vācā hi pādeneva gavādi vaktavyaviṣayaṃ prati pratiṣṭhati | ato manasaḥ pāda iva vāk | tathā prāṇo ghrāṇaḥ pādaḥ | tenāpi gandhaviṣayaṃ prati caṅkramati | tathā cakṣuḥ pādaḥ śrotraṃ pāda ityevamadhyātmaṃ catuṣpāttavaṃ manaso brahmaṇaḥ | athādhidaivatamagnivāyvādityadiśa ākāśasya brahmaṇa udāra iva goḥ pādā vilagnā upalabhyante | tena tasyā’kāśasyāgnyādayaḥ pādā ucyante | evamubhayamadhyātmaṃ caivādhidaivataṃ catuṣpādādiṣṭaṃ bhavati | tatra vāgeva manaso brahmaṇaścaturthaḥ pādaḥ | so ’gninādhidaivatena jyotiṣā bhāti ca dīpyate tapati ca santāpaṃ cauṣṇyaṃ karoti | athavā tailaghṛtādyāgneyāśaneneddhā vāgbhāti ca tapati ca vadanāyotsāhavatī syādityarthaḥ | vidvatphalaṃ bhāti ca tapati ca kīrtyā yaśasā brahmavarcasena ya evaṃ yathoktaṃ vedaḥ || 3 ||
http://www2.hf.uio.no/common/apps/permlink/permlink.php?app=polyglotta&context=record&uid=cc4c36d8-8e41-11ee-937a-005056a97067
Title
Prapāṭhaka 1
