Chānd-Mül, 1879-842. 'On that altar the Devas (pranas) offer seed. From that oblation rises the germ.
Chānd-Śaṃ, 8th c. A.D.tasminnetasminnagnau devā reto juhvati | tasyā āhutergarbhaḥ sambhavatīti | evaṃ śraddhāsomavarṣānnaretohavanaparyāyakrameṇā’pa eva garbhībhūtāstāḥ | tatrāpāmāhutisamavāyitvātprādhānyavivakṣā’paḥ pañcamyāmāhutau puruṣavacaso bhavantīti | na tvāpa eva kevalāḥ somādikāryamārabhante | na cā’po ’trivṛtkṛtāḥ santīti | trivṛtkṛtatve ’pi viśeṣasaṃjñālābho dṛṣṭaḥ pṛthivīyamimā āpo ’yamagnirityanyatamabāhulyanimittaḥ | tasmātsamuditānyeva bhūtānyabbāhulyātkarmasamavāyīni somādikāryārambhakāṇyāpa ityucyante | dṛśyate ca dravabāhulyaṃ somavṛṣṭyannaretodeheṣu | bahudravaṃ ca śarīraṃ yadyapi pārthivam | tatra pañcamyāmāhutau hutāyāṃ retorūpā āpo garbhībhūtāḥ || 2 || iti cchāndogyopaniṣadi pañcamādhyāyasyāṣṭamaḥ khaṇḍaḥ
http://www2.hf.uio.no/common/apps/permlink/permlink.php?app=polyglotta&context=record&uid=cca26356-8e41-11ee-937a-005056a97067