lat Clavius p. 12-13XV. CIRCVLVS, est figura plana sub vna linea comprehensa, quæ peripheria appellatur, ad quam ab vno puncto eorum, quæ intra figuram sunt posita, cadentes omnes rectæ lineæ inter se sunt æquales.
DEFINIT hic circulum, figuram inter planas perfectissimam, docens figur am illam planam, quæ vnica linea circumscribitur; ad quam lineam omnes rectæ lineæ ductæ ab vno puncto, quod intr a figuram existit, sint æquales, vocari circulum. Vt si superficies, seu spatium concludatur vnica linca A B C, babueritqúe hanc conditionem, vt ab aliquo puncto intus suscepto, vtpote à D, omnes rectæ lineæ cadentes ad terminum A B C, quales sunt D A, D B, D C, inter se sint æquales, appellabitur talis figura plana, circulus, alias non, Qua vero ratione in circulo punctum illud medium reperiri debeat, docebit Euclides propositione 1. tertij liber Adiungit quoque Euclides, lineam extrem am circuli, qualis est A B C, appellari Peripberiam, seu, vt Latini exponunt, circumferentiam. Potest circulus etiam bac ratione describi. Circulus est figura plana, quæ describitur à linea rect a finita circa alterum punctum extremum quiescens circumducta, cum in eundem rursus locum restituta fueru, vnde moueri cœperat. Quæ quidem descriptio persimilis est ei, qua ab Euclide spbæra describitur liber 11. Vt si intelligatur recta A D, circa punctum D, quiescens moueri, donec ad eundem redeat locum, à quo dimoueri cœpit, describet ipsarect a totum spatium circulare; punctum vero alterum extremum A, delineabit peripberiam A B C: Erit quoque punctum quiescens D, illud, à quo omnes linea cadentes in peripberiam sunt inter se æquales, propterea quod recta A D, circumducta, omnes lineas, quæ ex D, possunt educi ad peripheriam, æquè metiatur. Igitur Ellipsis, quamuis figura sit planæ vna linea circumscripta, tamen quia in ea non datur punctum, à quo ad ipsam lineam terminantem omnes rectæ lineæ sint æquales. circulus. dici nequit.
Title
Book I
