Coaptato enim ABG trigono super DEZ trigonum et posito a quidem puncto super D punctum, recta vera AB super rectam DE, coaptabit et B punctus super punctum E eo quod equalis est recta AB recte DE.

Huius probatio: Quia cum superposuerimus triangulum ABG triangulo DEZ, et posuerimus punctum a super punctum d, et collocabimus lineam AB super lineam DE, cadet punctum B super punctum E quia AB equalis DE.

Rationis causa: Si enim triangulum ABG triangulo DHZ superposuerimus, punctumque A supra punctum D lineamque AB supra lineam DH locaverimus, punctus B supra punctum H cadet quia AB sicut DH.

Est autem huiusmodi proposicionis hoc evidens argumentum ut triangulum ABG super triangulum DEZ recte locatum inte11igamus sicque A punctus D punctum occupabit, B vero possidebit E, nam GZ obtinebit,

Quoniam enim recta A B, rectæ D E, ponitur æqualis, fit, vt si altera alteri superponi intelligatur, collocato puncto A, in puncto D, ¹ ipsæ sibi mutuo congruant, punctumque B, in punctum E, cadat. Neque enim dicere quis poterit, partem rectæ A B, rectæ D E, congruere, & partem non, quia tunc duæ rectæ haberentidem segmentum commune, ² quod est impossibile. Quod si quis dicat, posito puncto A, in D, cadere quidem punctum B, in E, sed rectam A B, cadere vel ad dextram, vel ad sinistram D E, claudent duæ rectæ lineæ superficiem, ³ quod fieri non potest.