Super eandem rectam duabus eisdem rectis alie due recte equales, utraque utrique, non constituentur ad aliud et ad aliud punctum in easdem partes eosdem terminos habentes eis que ex principio rectis.

Super unam rectam lineam due recte linee aliis duabus rectis lineis equales non eriguntur queque sue relative equalis, ita quod coniunctio earum et coniunctio aliarum sint in parte una super duo diversa puncta et sint earum extremitates linearum sibi equalium termini.

Si protracte fuerint due linee de duobus punctis aliam lineam terminantibus, quarum summitates supra punctum convenerint, impossibile est de exitu cuiusque linee lineam equalem ei in illam partem producere, quarum summitates supra punetum alium ab illo conveniant. Exempli gratia: Sint due linee producte de duobus punctis linee AB, videlicet, de puncto A et puncto B. Summitates quarum supra punctum G sibi conveniant. Dico esse impossibile producere de puncto A lineam linee AG equalem et de puncto B lineam linee BG in illam partem equalem, summitates quarum supra punctum alium A puncto G conveniant.

Si ab alicuius linee duobus punctis due linee exeuntes ad unum punctum concurrant, ab eisdem punctis alias duas lineas singulas suis conterminalibus equales que ad aliud punctum conveniunt in eandem partem educi impossibile est.

SVPER eadem recta linea, duabus eisdem rectis lineis aliæ duæ rectæ lineæ æquales, vtraque vtrique, non constituentur, ad aliud atque aliud punctum, ad easdem partes, eosdemque terminos cum duabus initio ductis rectis lineis habentes.