Quoniam ergo equalis est AG recta recte AD, equalis est et angulus AGD angulo ADG.

Probatio: Et quia linea GA linee ad est equalis, erit angulus GDA angulo DGA equalis.

Itaque si fuerit AG sicut AD, erit angulus AGD angulo ADG equalis

Si ergo AD et AG duo latera trianguli equalia sunt, et anguli duo qui supra basim sunt, equales erunt. Erit igitur angulus ADG toti ei qui est AGD equalis.

Sint enim, si fieri potest, rectæ A C, A D, inter se, & rectæ B C, B D, inter se etiam æquales. Aut igitur punctum D, erit in alterutra rectarum A C, B C, ita vt recta A D, in ipsam rectam A C vel B D, in ipsam B C, cadat; aut intra triangulum A B C; aut extra. Sit primo punctum D, in altera rectarum A C, B C, nempe in A C, vt A D, sit pars ipsius A C. Quoniam igitur rectæ A C, A D, eundem terminum A, habentes dicuntur æquales, erit pars A D, toti A C, æqualis. Quod fieri non potest. Sit deinde punctum D, intra triangulum A B C, & ducta recta C D, producantur rectæ B C, B D, vsque ad E, & F. Quoniam igitur in triangulo A C D, ponuntur latera A C, A D, æqualia erunt anguli A C D, A D C, super basim C D, æquales;