Si duo trigona duos angulos duobus angulis equales habent, utrumque utrique, et unum laterum uni lateri equale vel quod ad equales angulos vel quod uni equalium subtenditur angulorum, et reliqua latera reliquis lateribus equalia habebunt, utrumque utrique, et reliquum angulum reliquo angulo.

Omnium duorum triangulorum quorum duo anguli unius duobus angulis alterius fuerint equales, unusquisque eorum suo relativo alterius trianguli equalis, fueritque unum latus unius eorum lateri alterius equale sive sit latus illud super quod duo anguli equales statuuntur, aut sit illud quod uni eorum subtenditur, erunt duo reliqua latera unius eorum duobus reliquis alterius lateribus equalia, quodque eorum suo relativo. Angulus quoque reliquus unius eorum reliquo angulo alterius erit equalis.

Omnium duorum triangulorum quorum duo anguli unius duobus angulis alterius unusquisque se respicienti fuerint equales, latusque unius lateri alterius equale, fueritque illud latus inter duos angulos equales aut uni eorum oppositum, erunt duo unius latera residua duobus reliquis alterius trianguli lateribus unumquodque se respicienti equale. Angulusque residuus unius angulo residuo alterius equalis.

Omnium duorum triangulorum quorum unius duo anguli duobus angulis alterius uterque a se respecta equales fuerint latusque unius lateri alterius se respicienti equale ut idem latus aut duobus illis angulis subiaceat aut alteri eorum oppositum sit, erunt et reliqua latera unius reliquis alterius, angulique residui ut sese respiciunt equales.

SI duo triangula duos angulos duobus angulis æquales habuerint, utrumque utrique, unumque latus uni lateri æquale, siue quod æqualibus adiacet angulis, seu quod uni æqualium angulorum subtenditur: & reliqua latera reliquis lateribus æqualia, utrumque utrique, & reliquum angulum reliquo angulo æqualem habebunt.